ملير لڳ نادرن باءِ پاس تي حاجي خواستي بروهي ڳوٺ وٽ فائرنگ، ٻه ڄڻا قتل

هٿياربندن جي فائرنگ ۾ 45ورهين جو شاهد پٽ سعيد خان ۽ 40 ورهين جو جاويد عباسي مارجي ويا

ملير (رپورٽ: عبدالرشيد مورجھريو) ملير لڳ نادرن باءِ پاس وٽ حاجي خواستي بروهي گوٺ جي ويجهو نامعلوم هٿياربندن جي فائرنگ ۾ ٻه ڄڻا مارجي ويا واقعي کان پوءِ علائقي ۾ خوف ۽ ڏهڪاءُ پکڙجي ويو.ابتدائي اطلاع موجب فائرنگ جي نتيجي ۾ 45 ورهين جو شاهد ولد سعيد خان ۽ 40 ورهين جو جاويد عباسي ولد ڪالو خان موقعي تي مارجي ويا. واقعو اطلاع ملڻ تي پوليس ۽ ريسڪيو ادارا پهچي لاشن کي سول اسپتال ڪراچي منتقل ڪيو پوليس موجب واقعي جي جاچ جاري آهي ۽ فائرنگ جا ڪارڻ اڃا تائين معلوم نه ٿي سگهيا آهن، جڏهن ته علائقي ۾ سرچ آپريشن شروع ڪيو ويو آهي رهواسين جو چوڻ آهي ته علائقي ۾ وڌندڙ بدامني سبب خوف جي لهر آهي ۽ انتظاميه کان مطالبو ڪيو ته قاتلن کي فوري طور تي گرفتار ڪيو وڃي