ٺٽو پوليس جي ڪارروائي، ٻن ڏوهارين کي گرفتار ڪرڻ جي دعويٰ

ٺٽو (ڊ ر)ٺٽو پوليس جي ڪامياب ڪارروائي,راھ ويندڙن کان ڦرون، ڊڪيتين ۽ موٽر سائيڪل ڦر وارين وارداتن ۾ ملوث 2 مرڪزي جوابدار گرفتار.ڏوھن ۾ استعمال ٿيل پسٽل ۽ موٽر سائيڪل هٿ، ڪيس داخل.تفصيل موجب ايس ايس پي ٺٽو فاروق احمد بجاراڻي جي هدايتن تي ايس ايڇ او ٿاڻو ٺٽو انسپيڪٽر ماجد علي ڪورائي عملدارن سميت گشت دوران خفيه اطلاع ملڻ تي عيدگاهه سم نالي ڀرسان پهتا، جتي پوليس ۽ جوابدارن وچ ۾ فائرنگ جي ڏي وٺ ٿي۔ پوليس پارٽي حڪمت عملي تحت جوابي ڪارروائي ڪندي هوائي فائرنگ بعد ڪامياب آپريشن ۾ ٻن جوابدارن ــ ساحل ولد محمد امين منڇري ۽ احسان ولد فيض محمد هيلايو کي گرفتار ڪري ورتو، جڏهن ته هڪ جوابدار عرفان ولد دوست محمد عرف دوسو شورو فرار ٿي ويو۔ابتدائي جاچ ۾ جوابدارن وٽان ڏوھن ۾ استعمال ٿيل پسٽل ۽ موٽر سائيڪل هٿ آيا آهن، ان کان علاوه جوابدارن اعتراف ڪيو آهي ته هو ٿاڻو ٺٽو، مڪلي ۽ ڪينجهر جي حدن اندر روڊ رابري، ڊڪيتين ۽ موٽر سائيڪل ڦر جون ڪيتريون ئي وارداتون ڪري چڪا آهن۔فرار ٿيل جوابدار جي ڳولا لاءِ پوليس جا ڇاپا جاري آهن۔جوابدارن خلاف ٿاڻي ٺٽو تي الڳ الڳ ڪيس داخل ڪيا ويا آهن ۽ وڌيڪ جاچ جاري آهي۔