عمرڪوٽ ويجهو دوستي خون ۾ رڱجي وئي، نوجوان ڪهاڙين جي وار سان قتل

ڳوٺ ولهار ۾ 30ورهين ڪي گورڌن اوڏ کي سندس دوست ڦل اوڏ ڪهاڙِين جا وار ڪري قتل ڪري ڇڏيو

عمرڪوٽ (رپورٽ:ڪانجي مل رکيسر)عمرڪوٽ ويجهو ڳوٺ ولهار ۾ ڏکوئيندڙ واقعو پيش آيو، جتي مبينا طور ڦل اوڏ ڪهاڙين جا وار ڪري پنهنجي ويجهي دوست 30 سالا گورڌن اوڏ کي قتل ڪري ڇڏيو، اطلاع ملڻ تي سٽي پوليس واقعي واري هنڌ پهچي لاش کڻائي عمرڪوٽ اسپتال منتقل ڪيو، جتي پوسٽ مارٽم بعد لاش وارثن حوالي ڪيو ويو، لاش گهر پهچڻ تي ڪهرام مچي ويو ۽ ڳوٺ ۾ سوڳ جو سماع ڇانئجي ويو، مقتول جي وارثن ۽ علائقي واسين گورڌن اوڏ جو لاش پريس ڪلب اڳيان رکي احتجاجي مظاهرو ڪيو، روڊ بند ڪري ڌرڻو هنيو، جنهن سبب ٽريفڪ معطل ٿي وئي، احتجاج ڪندڙ قاتلن کي فوري گرفتار ڪرڻ ۽ انصاف جو مطالبو ڪيو، بعد ۾ ايس ايڇ او سٽي عمرڪوٽ عطا لغاري سان ڳالهين کان پوءِ ڌرڻو ختم ڪيو ويو، پوليس ذريعن موجب جوابدار ڦل اوڏ مقتول گورڌن کي دعوت تي گهرائي خون جو ڪاروبار ڪيو، پوليس جو چوڻ آهي ته جوابدار ۽ مقتول ويجها دوست هئا، قتل جو اصل سبب اڃان تائين معلوم ناهي، پر مختلف رخن کان جاچ ڪئي پئي وڃي، جڏھن تہ سٽي پوليس ڳوٺ ولهار واسي جوابدار ڦل اوڏ کي گرفتار ڪري عدالت ۾ پيش ڪيو، جتي عدالت ٽن ڏينهن جي رمانڊ تي جوابدار کي پوليس حوالي ڪري ڇڏيو