ٺٽو پوليس جون ڪارروائيون، 3ڏوهارين کي گرفتار ڪرڻ جي دعويٰ

ٺٽو (ڊ ر) ٺٽو پوليس ٻن الڳ الڳ ڪامياب ڪاررواين دوران موٽرسائيڪل چوري ۾ ملوث مرڪزي جوابدار ۽ روڊ رابري ۽ گاڏين جي ڦرون ۾ ملوث ٻن ايڪٽو ڏوھارين کي گرفتار ڪري ورتو، جڏهن⁠ ته چوري ۽ ڦر ڪيل موٽرسائيڪل، سوزوڪي پڪ اپ ۽ رقم به هٿ ڪري ورتي آهي۔تفصيل موجب 2 سيپٽمبر 2025ع جي شام گھارو لڳ ڪي ڊي نالي لنڪ روڊ تان عبدالعزيز ميربحر جي هونڊا CD-70 نمبر KGQ-2412 موٽرسائيڪل چوري ٿي هئي، جنهن جو مقدمو نمبر 189/2025 ٿاڻي گھارو تي داخل ٿيو هو۔ ايس ايس پي ٺٽو فاروق احمد بجاراڻي جي حڪمن تي ايس ايڇ او محمد علي ڌامراھ عملي سميت ڪارروائي ڪندي گھارو گولائي لڳ مرڪزي جوابدار عبدالرزاق ولد خيرو لاشاري کي گرفتار ڪيو، جنهن وٽان چوري ٿيل موٽرسائيڪل هٿ آئي۔ جوابدار ابتدائي جاچ ۾ گھارو، ڌابيجي ۽ ساڪري ۾ ٻين وارداتن ۾ ملوث ھجڻ جو به اعتراف ڪيو آهي۔ٻئي پاسي 31 جولاءِ ۽ 30 آگسٽ 2025 تي جهرڪ ٿاڻي جي حدن ۾ ڏاڏوري ۽ جھمپير لنڪ روڊ تي هٿياربندن سوزوڪي پڪ اپ، رقم ۽ موبائل فونز ڦر ڪيا هئا، جن جا مقدما 58/2025 ۽ 68/2025 داخل ٿيا هئا۔ ايس ايڇ او ڪينجهر زاھد حسين شيخ ۽ ايس ايڇ او جهرڪ بهادر خان جمالی عملي سان گڏجي ڪارروائي ڪندي ماڇي گولائي لڳ ٻن ايڪٽو ڏوھارين جمیل عرف راجا عرف 2D ولد عالي شورو ۽ عاشق علي ولد جاڙو ملاح کي گرفتار ڪري ورتو۔پوليس مطابق جوابدارن جي نشاندهي تي مدعي نصير احمد رئيس کان ڦريل سوزوڪي پڪ اپ نمبر LB-6209 ۽ غلام مرتضيٰ کٽري کان ڦريل رقم مان 15 هزار رپيا به هٿ ڪيا ويا آهن۔ جاچ دوران جوابدارن ڪيترين ئي وارداتن جو اعتراف ڪيو آهي، جڏهن⁠ ته سندن ڪرمنل رڪارڊ به طلب ڪيو ويو آهي۔ ساڳئي ڪيسن ۾ ٻيا ڀاڱي ڀائيوارا اللہ بچايو ملاح ۽ محمد علي عرف ٻالڪ ملاح اڃا تائين فرار آهن، جن جي گرفتاري لاءِ ڇاپا جاري آهن۔پوليس موجب جوابدارن خلاف وڌيڪ ريڪوري لاءِ ريمانڊ حاصل ڪيو ويو آهي ۽ جاچ جاري آهي۔