ڪنري ۾ فوتي ڪوٽا ايڪشن ڪميٽي جي سڏ تي احتجاجي ريلي

پابندي کان اڳ جمع ڪرايل درخواستن تي ڪوٽا تحت نوڪريون ڏنيون وڃن: مطالبو

عمرڪوٽ(رپورٽ:ڪانجي مل رکيسر) “مطالبا منظور ڪريو”ڪنري ۾ فوتي ڪوٽا ايڪشن ڪاميٽي جي سڏ تي احتجاجي ريلي، مظاهرو ڪري نعريبازي. خبر موجب آل سنڌ فوتي ڪوٽا ايڪشن ڪاميٽي ڪنري جي اڳواڻن شفيق الرحمان سمون، راشد لطيف، آغا ڪپري، فيصل حافظاڻي ۽ ٻين جي اڳواڻي ۾ ريلي ڪڍي نيشنل پريس ڪلب ڪنري آڏو احتجاجي مظاھرو ۽ سخت نعري بازي ڪئي. احتجاج ڪندڙ اڳواڻن چيو ته اسان ڏيڍ سال کان مسلسل احتجاج ڪريو پيا ته فوتي ڪوٽا جي روڪيل ڪيس سپريم ڪورٽ جي پابندي 18 آڪٽوبر کان اڳ جمع ٿيل درخواست تي فوتي ڪوٽا جي نوڪري والدين جي مرحوم ڪوٽا تي ڏني وڃي، هنن چيو ته اسان جو مک مطالبو بلاجواز روڪيل ڪيس منظور نٿو ڪيو وڃي ھن وقت سنڌ ۾ 5 ڪوٽا تي عمل ٿئي پيو شھيد ڪوٽا، معذور ڪوٽا، اقيلتي ڪوٽا، وومين ڪوٽا ايم پي جي فوتي ڪوٽا سميت سياسي ڪوٽا بحال آھن جيڪي ميرٽ کان پاڪ آھن صرف فوتي ڪوٽا تي پابندي ھڻي، صرف يتيم ٻارن کان قانوني فوتي ڪوٽا جو حق کسيو ويو آھي، چيف سيڪريٽري سنڌ 11 ڊسمبر 2025 تي صرف ڪورٽ مان ڪيس کٽيندڙ لاء رول 11-A ۾ ترميم ڪئي آھي جيڪو ماٽيلي ماء وارو اسان غريب يتيم معصوم ٻارن سان سلوڪ ڪيو ويو آھي، مظاهرين وڌيڪ چيو تہ سول سرونٽ 1973 جي قانون مطابق فوتي ڪوٽا جو قانون سنڌ اسيمبلي مان قانون پاس ٿيل آھي جنھن تي پابندي لڳائي زيادتي ۽ ناانصافي ڪئي وئي آھي. مظاهرين صدر پاڪستان، آصف زرداري، بلاول ڀٽو زرداري ۽ وزير اعلي سنڌ سيد مراد علي شاھ کان پروز مطالبو ڪيو ته ذوالفقار ڀٽو پاران ڏنل فوتي ڪوٽا بحال ڪري سمورا پينڊنگ ڪيس حل ڪري انصاف ڪيو وڃي.