رزاق آباد واسي پورهيت پراسرار نموني گم، وارث پريشان

144 views | 25th Dec 2025 • سنڌي خبرون

40 ورهين جو جاني ڀيل چار ڏينهن کان گم آهي: وارث

رزاق آباد واسي پورهيت پراسرار نموني گم، وارث پريشان

ملير (رپورٽ: عبدالرشيد مورجھريو) رزاق آباد جو رهواسي 40 ورهين جو پورهيت جاني ولد والو ڀيل گذريل چار ڏينهن کان پراسرار طور گم ٿي ويو آهي گهر وارن موجب جاني ٽي ڏينهن اڳ روزاني معمول مطابق ڪم لاءِ گهران نکتو هو،م پر اڃا تائين واپس نه آيو آهي. وارثن جو چوڻ آهي ته نوجوان جي ڳولا لاءِ مٽن مائٽن ۽ عزيزن سان گڏ مختلف هنڌن تي رابطا ڪري سندس ڳولا لاء تمام گهڻي جستجو ڪئي وئي، پر سندس متعلق ڪابه ڄاڻ ملي نه سگهي آھي ۽ سندس موبائل فون بہ بند آھي جنهن سبب گهر وارن جي پريشاني ۾ وڌيڪ اضافو ٿي ويو آهي. گم ٿي ويل نوجوان جي وارثن، جن ۾ والو ڀيل، رامچند، پپو ۽ ٻيا شامل آهن، ٻڌايو ته جاني جي اوچتي گمشدگي سبب گهر ۾ سخت پريشاني آهي ۽ سمورا گهر وارا شديد ذهني اذيت ۾ مبتلا آهن.گهر وارن ۽ علائقي واسين پوليس جي اعليٰ عملدارن کان اپيل ڪئي آهي ته واقعي جو فوري نوٽيس وٺي پورھيت جاني ولد والو ڀيل جي ڳولا لاءِ مؤثر قدم کنيا وڃن، ته جيئن کيس بحفاظت بازياب ڪرائي سگهجي