جھوک شریف پولیس کی مبینہ حراست میں لاپتہ نوجوان کے صدمے سے والد انتقال کرگئے

چار روز قبل مبینہ طور پر لاپتہ کیے گئے ایاز نادِیهہ کے صدمے سے ان کے والد جمن نادِیهہ انتقال کرگئے۔

جھوک شریف میں مبینہ طور پر پولیس کی جانب سے چار دن پہلے حراست میں لیے گئے نوجوان ایاز نادِیهہ کی گمشدگی کے صدمے میں ان کے والد جمن نادِیهہ دم توڑ گئے۔ اہلِ خانہ کے مطابق والد اپنے بیٹے کی گرفتاری اور مبینہ تشدد کی خبروں سے شدید ذہنی دباؤ میں تھے۔ واقعے کے بعد ورثا نے سجاول۔ٹنڈو محمد خان روڈ پر لاش رکھ کر احتجاجی دھرنا دیا اور پولیس کے خلاف شدید نعرے بازی کی۔ مظاہرین کا کہنا تھا کہ پولیس چار دن قبل ایاز نادِیهہ کو اپنے ساتھ لے گئی اور مبینہ طور پر رشوت نہ دینے پر اسے تشدد کا نشانہ بنایا جا رہا ہے۔ انہوں نے الزام عائد کیا کہ نوجوان کو غیر قانونی طور پر حراست میں رکھا گیا ہے۔ ورثا کے مطابق بیٹے کے صدمے میں جمن نادِیهہ کو دل کا دورہ پڑا جس کے باعث ان کا انتقال ہوگیا۔ مظاہرین نے حکام سے مطالبہ کیا کہ واقعے کا فوری نوٹس لیا جائے، نوجوان کو بازیاب کرایا جائے اور انصاف فراہم کیا جائے۔