ڄامشورو پريس ڪلب ۽ صحافي جي گهر تي مبينا حملي خلاف شڪارپور ۾ احتجاج

سنڌ صحافي اتحاد جي سڏ تي احتجاج ڪيو ويو، سول سوسائٽي جا اڳواڻ به شريڪ

شڪارپور(احسان ابڙو)ڄامشورو پريس ڪلب ۽ سينيئر صحافي محمد شريف ابڙو جي گهر تي حملي خلاف شڪارپور ۾ سنڌ صحافي اتحاد جي سڏ تي شڪارپور پريس ڪلب اڳيان احتجاجي مظاهرو ڪري سخت نعريبازي ڪئي وئي,ان موقعي تي شريڪ صحافين ۽ سول سول سوسائٽي جي اڳواڻن جاويد راھوجو,وحيد بروھي,ڪامريڊ احسان جيھو,وسيم سنجراڻي,ڪامريڊ اسد الله سومرو,ديدار بلوچ,لاھوتي حڪيم محبت علي اعواڻ,ذوالفقار مگسي,عرفان نون,راشد معرفاڻي,عبدالحق سيٺار,طارق منگي,عبدالغني بروھي,آصف معرفاڻي،ڪامران معرفاڻي، نعيم معرفاڻي,عادل راھوجو ۽ ٻين ڳالھائيندي چيو آهي ته منشيات سڄي سنڌ اندر ناسور بڻيل آهي جنهن بابت آواز اٿارڻ تي منشيات فروش غنڊن پاران ڄامشوري جي سينيئر صحافي محمد شريف ابڙو جي گهر ۽ پريس ڪلب تي ڪاھ ڪري ڌمڪيون ڏيڻ جي سخت لفظن ۾ مذمت ڪيون ٿا, ھنن چيو ته حق سچ لکندڙ صحافين کي سدائين نشانو بڻايو ويو آهي پر افسوس ته صحافين جي تحفظ جون دعوائون ڪندڙ پ پ سرڪار اڄ تائين ڪنهن صحافي کي تحفظ ۽ انصاف ناهي ڏياريو,ھنن آء جي سنڌ,ڊي آء جي حيدرآباد ۽ ايس ايس پي ڄامشورو کان مطالبو ڪيو آهي ته بنا دير ڄامشورو جي غنڊن منشيات فروشن خلاف ڪارروائي ڪري صحافي محمد شريف ابڙو کي تحفظ ۽ انصاف فراھم ڪيو وڃي ٻي صورت ۾ احتجاجي دائرو وڌايو ويندو.