گڏاپ ٽائون: يوسي درسـاڻو ڇنو جي وڏي انگ ۾ ماڻهن جي جماعت اسلامي ۾ شموليت

جماعت اسلامي عوامي خدمت، ايماندار قيادت ۽ فلاحي معاشري جي قيام لاءِ جدوجهد ڪري رهي آهي: عرفان احمد

ملير (رپورٽ: عبدالرشيد مورجھريو)گڏاپ ٽائون جي يوسي درسـاڻو ڇنو جي ڳوٺ احمد رند، عارب رند ۽ محراب رند جي وڏي انگ ۾ رهواسين جماعت اسلامي ۾ شموليت جو اعلان ڪيو آهي ان موقعي تي تقريب ٿي جنهن کي خطاب ڪندي جماعت اسلامي ضلعي گڏاپ جي امير عرفان احمد چيو ته جماعت اسلامي عوامي خدمت، ايماندار قيادت ۽ فلاحي معاشري جي قيام لاءِ جدوجهد ڪري رهي آهي. هن چيو ته ماڻهن جي وڌندڙ شموليت ان ڳالهه جو ثبوت آهي ته عوام جماعت اسلامي جي منشور ۽ خدمت واري سياست تي اعتماد ڪري رهيو آهي تقريب ۾ بحريا ٽائون ۽ ٻهراڙين جي علائقي جي ناظم ياسر اسلم، پسگردائيءَ سرڪل جي انچارج شڪيل بلوچ، يوسي درسـاڻو ڇنو جي ناظم جاويد گبول، الخدمت گڊاپ جي صدر فواد شيرواڻي، حاجي عبدالغفار، امتياز پالاري، عبدالصمد گبول ۽ ٻين اڳواڻن ۽ ڪارڪنن وڏي انگ ۾ شرڪت ڪئي.تقريب دوران نون شامل ٿيندڙ ساٿين کي ڀليڪار ڪيو ويو، جڏهن ته شرڪت ڪندڙن علائقي جي ترقي، عوامي مسئلن جي حل ۽ فلاحي خدمتن کي وڌيڪ هٿي وٺرائڻ لاءِ گڏيل جدوجهد جاري رکڻ جي عزم جو اظهار ڪيو