عمرڪوٽ ويجھو اسٽيٽ لائيف انشورنس جي گڏجاڻي، حاڪم مل ميگهواڙ ۽ جلال ميگھواڙ جي شرڪت

عمرڪوٽ(رپورٽ:ڪانجي مل رکيسر)ڍوري ناري ۾ اسٽيٽ لائيف انشورنس ايجنسي جي گڏجاڻي، جيڪا اسٽيٽ لائيف انشورنس ايجنسي سيڪٽر هيڊ کپرو حاڪم مل ميگهواڙ ۽ محترم ايريا مينيجر جلال ميگھواڙ جي صدارت ۾ منعقد ڪئي وئي. گڏجاڻي سيلز مينيجر نندلال ميگهواڙ پاران ڪوٺائي وئي جنهن ۾ سڀني سيلز نمائندن وڏي جوش، جذبي ۽ ذميواري سان ڀرپور شرڪت ڪئي. گڏجاڻي دوران موجوده ڪارڪردگي جو تفصيلي جائزو ورتو ويو، جڏهن ته نون ڪاروباري هدفن، نئين ڀرتين، پاليسين جي واڌ ، پريميم ڪليڪشن، گراهڪن کي بهترين سهولتون فراهم ڪرڻ ۽ مستقبل جي حڪمتِ عملي بابت اهم هدايتون ۽ خيالن جي ڏي وٺ ڪئي وئي ويئي. سيڪٽر هيڊ کپرو حاڪم مل ميگهواڙ پنهنجي خطاب ۾ ٽيم کي اسٽيٽ لائيف ڪنوينشن 2027، فاسٽ ٽريڪ پروموشنز ۽ ريگيولر پروموشنز بابت ڀرپور موٽيويشن ڏني. هن ورڪ، محنت، ايمانداري، نظم و ضبط ۽ مسلسل ڪارڪردگي جي اهميت تي زور ڏيندي سڀني ساٿين کي مقرر ڪيل هدف حاصل ڪرڻ لاءِ پوري عزم ۽ جذبي سان ڪم جاري رکڻ جي تلقين ڪئي. هن چيو ته "گڏيل محنت، مثبت سوچ ۽ بهترين منصوبابندي سان هر وڏو هدف حاصل ڪري سگهجي ٿو."آخر ۾، سڀني شرڪت ڪندڙن اداري جي ترقي، ڪاروبار ۾ واڌ ۽ شاندار نتيجا حاصل ڪرڻ لاءِ گڏجي ڪم ڪرڻ جي عزم جو ورجاءُ ڪيو. گڏجي محنت ڪنداسين، ته ڪاميابي ضرور اسان جي هوندي. سڀني شرڪت ڪندڙن جي ڀرپور شرڪت، ميٽنگ ۾ آيل سڀني سيلز نمائندن کي ويلڪم پريميم وٺي اچڻ تي سنڌ جي ثقافت کي برقرار رکندي سنڌي ٽوپي ۽ اجرڪ اوڍائي مبارڪباد ڏنيون ويون.