گڏاپ ۾ بھار فائونڊيشن پاران محقق عنايت کٽياڻ سان سرھي سانجھ ملھائي وئي

منھنجي امڙ پبلڪ لائبريري ڌڻي بخش بروھي ڳوٺ ۾ منعقد تقريب ۾ سياسي، سماجي ۽ ادبي شخصيتون شريڪ

گڏاپ (رپورٽر)بھار فائونڊيشن پاران منھنجي امڙ پبلڪ لائبريري ڌڻي بخش بروھي ڳوٺ ۾ سياسي ، سماجي ، اديب ، شاعر ۽ سنڌ جي تاريخ جي محقق عنايت کٽياڻ سان سرھي سانجھ ملھائي وئي ، اسان کي پنھنجي ھيروز کي ان جي زندگي ۾ مڃتا ڏيڻ گھرجي جيڪي پنھنجي زندگي جو نور نچوڙي قوم جي خدمت ڪن ٿا محمد سچل وڌو ان موقعي تي ڊاڪٽر عابد مظھر ، پنھل لاڙڪ ، پيپلز پارٽي جو اڳواڻ ۽ يو سي چيئرمين بشير خاصخيلي ، پي ٽي آئي اڳواڻ آفتاب گوپانگ ۽ بھار فائونڊيشن جي وائيس چيئرمين پرويز احمد ڄامڙو ڳالھائيندي چيو ت عنايت کٽياڻ گھڻ رخي شخصيت آهي قومي ڪارڪنن ھئڻ سان گڏ ھي ھميشه سماجي ڪمن ۾ متحرڪ رھيو آھي ڪراچي سچل ڳوٺ توڙي ٻين سنڌي وسندين کي آباد ڪرڻ ۽ انھن کي سھولتون ڏيارڻ ۾ عنايت کٽياڻ جو تمام وڏو قردار رھيو آھي ھنن وڌيڪ چيو ت عنايت کٽياڻ ڪيترن سنڌي شاگردن کي ڪراچي جي يونيورسٽين ۾ داخلائون ڪرايون ت جيئن سنڌي قوم جي نوجوانن تعليم سان گڏ سياسي پختگي حاصل ڪري قوم جا ھڏ ڏوکي ۽ ڀرجھلا ٿين ھنن وڌيڪ چيو ت عنايت کٽياڻ سنڌ جي ماڳن مڪانن جي تاريخ سھيڙي سنڌي قوم تي احسان ڪيو آھي ھنن وڌيڪ ڳالھائيندي چيو ت ھي پھريون ڀيرو آھي جو ڪنھن قومي ڪارڪن کي مڃتا ڏني پئي وڃي بھار فائونڊيشن جي سموري ٽيم جس لھي ، اڪثر ماڻھو خوشامند ۾ سٺ سالن جي پوڙھي جي سالگرھ ملھائي وڏا خوش ٿيندا آھن پر ڪنھن قومي ڪارڪن کي مڄتا ڏيڻ ۾ کين تڪليف ٿئي ٿي ، نالي واري اديب ، شاعر ، دانشور تاريخدان عنايت کٽياڻ ڳالھائيندي چيو ت مون ڪنھن تي ڪوئي احسان ناھي ڪيو آئون ھڪ قومي ڪارڪن آھيان مون پنھجي حصي جو ڪم ڪيو آھي ۽ سنڌي قوم لاء جيستائين زنده آھيان جاکوڙيندڙ رھندس ھن وڌيڪ چيو ت بھار فائونڊيشن وارن جو تمام گھڻو ٿورائتو آھيان جن منھنجي لاء اھڙو بھترين پروگرام ڪيو آھي بھار فائونڊيشن جي چيئرمين محمد سچل وڌو ھميشه منھنجو ڀرجھلو بڻيو آھي مون کي جڏھن فالج ٿيو ۽ بعد ۾ وري دل جو مسئلو ٿيو ت سچل وڌو ڏينھن رات مون سان گڏ رھيو ڪڏھن ب مون مايوس ٿيڻ ن ڏنائين ، پروگرام ۾ ريڊيو ٽي وي جي مشھور فنڪار شھزاد ٻرڙو سنڌ منھنجي امان سونھن تنھنجي مٿان ڇا لکي ڇا لکان ڳائي ۽ مان سينڌ سنڌوء جي سجائيندس ڳائي نوجوانن کي جھومڻ تي مجبور ڪري ڇڏيو ان موقعي تي آتش پھنيار ، ذوالفقار سيال ، استاد عاشق حسين وڌيو ، ڊاڪٽر خان محمد سوڍڙو ۽ مشتاق اڄڻ سميت علائقي واسي شريڪ ٿيا