سکر: ساوند-سندراڻي تڪرار جي راڄوڻي نبيري تي سنڌ هاءِ ڪورٽ ۾ توهين عدالت درخواست داخل

سکر: ساوند-سندراڻي تڪرار جي راڄوڻي نبيري تي سنڌ هاءِ ڪورٽ ۾ توهين عدالت درخواست داخل

سکر(بيورو) ساوند سندراڻي تڪرار جي راڄوڻي نبيري وارو معاملو. وڪيل شبير شر پاران سنڌ هاءِ ڪورٽ سکر بنينچ ۾ جرڳن خلاف توهين عدالت واري درخواست داخل ڪرائي ورتي، جيڪا عدالت ٻڌڻي جي لاءِ منظور ڪري ورتي، وڪيل موجب حڪومتي نوٽيفڪيشن موجب ديئت يا قصاص جي رقم 67 لک 57 هزار کان وڌيڪ آهي. ساوند سندراڻي تڪرار جي فيصلي ۾ 26 خونن جو في خون 20 لک روپيا معاوضو رکيو ويو آهي. پروفيسر ڊاڪٽر اجمل ساوند آرٽيفيشل انٽيلجنس ۾ پي ايڇ ڊي جي ڊگري رکندڙ ملڪ جو ٽيون ۽ سنڌ جو پهريون نوجوان هيو. جنهن جي قاتلن کي بچائڻ لاءِ معاوضو هڪ ڪروڙ روپيا رکيو ويو. پروفيسر سميت ٻين جي قاتلن کي بغير سزا جي جرڳي ذريعي معاملو حل ڪيو ويو. سنڌ هاءِ ڪورٽ سال 2004 ۾ جرڳن تي پابندي لڳائي هئي ۽ جرڳا ڪندڙن خلاف ڪاروائي جو حڪم جاري ڪيو هو. عدالتي حڪم باوجود خونن جا جرڳا ڪيا پيا وڃن. نجي عدالتون لڳائيندڙ خلاف توهين عدالت جي ڪاروائي ڪئي وڃي.