ڪشمور ويجهو هٿياربندن جو ڳوٺ تي حملو، ڇتي فائرنگ سبب رهواسين ۾ خوف، احتجاج

15کان وڌيڪ هٿياربندن ڳوٺ تي ڪاهه ڪري هڪ ڪلاڪ تائين فائرنگ ڪئي، مسجد به شهيد ٿي وئي: ڳوٺاڻا

ڪشمور(دلبر جاني)ڪشمور ۾ امن امان جي صورتحال خراب هر آئي ڏينهن موٽر سائيڪل چوري ڦر اغوا جي وارداتن ۾ اضافو عوام گهرن ۾ به غيرمحفوظ ڪشمور لڳ ڳوٺ خوشحال آباد کوسو ۾ رات 15 کان مٿي نامعلوم ھٿياربندن جو کوسه برادري جي ڳوٺ تي ڪاھ ھڪ ڪلاڪ کان مٿي انڌا ڌنڌ فائرنگ ڪري ڏني فائرنگ جي نتيجي ۾ ڳوٺ جي مسجد به شهيد،پوري ڳوٺ ۾ خوف واري صورتحال پکڙيل شفي محمد کوسو، رفيق احمد کوسو ميڊيا سان ڳالهائيندي چيو ته رات 12 بجه 15 کان مٿي نامعلوم ھٿياربندن اسان جي ڳوٺ تي چڙهائي ڪري انڌا ڌنڌ فائرنگ ڪري ڏني آهي جنهن جي نتيجي ۾ اسان جو پورو ڳوٺ گولين سان ڇن پروڻ ڪيو ويو آهي انهن جو چوڻ هو ته اسان جي ڪنهن سان ڪا دشمني ناهي ۽ نه ڪنهن سان جهيڙو آهي انهن اعلي اختيارن کان مطالبو ڪيو آهي ته اسان سان انصاف ڪيو وڃي ۽ اسان کي تحفظ فراهم ڪيو وڃي