سجاول ۾ اسٽيٽ بئنڪ آف پاڪستان ۽ ضلعي انتظاميا پاران سماجي ثقافتي زرعي مالياتي ميلو منعقد

بوائز ڊگري ڪاليج ۾ منعقد ميلي جو افتتاح لائيو اسٽاڪ ۽ فشريز واري صوبائي وزير محمد علي ملڪاڻي ڪيو

سجاول (رپورٽ گلشيرميربحر ) اسٽيٽ بئنڪ آف پاڪستان ۽ سجاول ضلعي انتظاميا پاران سماجي ثقافتي زرعي مالياتي ميلو منعقد ڪيو ويو. اسٽيٽ بئنڪ آف پاڪستان ۽ سجاول ضلعي انتظاميا پاران تاريخ ۾ پهريون ڀيرو سماجي ثقافتي زرعي مالياتي ميلو بوائز ڊگري ڪاليج گرائونڊ تي منعقد ڪيو ويو. ميلي جو افتتاح لائيو اسٽاڪ ۽ فشريز واري صوبائي وزيررئيس محمد علي خان ملڪاڻي ڪيو ميلي ۾ ريحانه لغاري، ارباب وزيرميمڻ، منظوررحيم پليجو، نجيب سرويچ، اقبال ميمڻ، فردوس عزيز ميربحر، ڊپٽي ڪمشنر سجاول زاهد حسين رند، ايس ايس پي سجاول ڊاڪٽرعبدالخالق پيرزادو ۽ ٻين معزز مهمان شرڪت ڪئي. ميلي ۾ مختلف اسٽالن جي نمائش ۾ زراعت جي مشينري، زرعي فنانسنگ، زرعي پيداوار، زرعي ايجادون، سيڊ ڪمپنيون، جراثيم ڪش دوائن، ڀاڻن، اسٽوريج سهولتن، لائيو اسٽاڪ ۽ ڊيري جي نمائش لاءِاسٽال لڳاياويا، ان کان علاوه ماڻھن جي تفريح لاءِ جهولا، ٻاهرين ملڪن جي مختلف قسمن جا جانور پڻ نمائش لاءِ آندا ويا ۽ ان سان گڏ لوڪ موسيقي جو پروگرام پڻ منقعد ڪيو ويو