سنڌي ادبي سنگت شاخ ملير جي دستوري گڏجاڻي پروفيسر امتياز دانش جي صدارت ۾ ٿي
سڪندر سرواڻ جي عمرمارئي ڳوٺ واري رهائشگاهه تي گڏجاڻي ٿي، غفور شاهه تقوي، قمبر ٻٽ، مجيب سنڌي ۽ ٻيا به شريڪ
ملير (رپورٽ: عبدالرشيد مورجھريو) سنڌي ادبي سنگت شاخ ملير جي دستوري گڏجاڻي شاخ جي ميمبر نامياري ليکڪ شاعر براڊ ڪاسٽر سڪندر سرواڻ جي رهائش گاهه عمر مارئي ڳوٺ قائد آباد ۾ نوجوان شاعر پروفيسر امتياز دانش جي صدارت ۾ ٿي گذري، گڏجاڻي ۾ سيد غفور شاھ تقوي، قمبر ٻٽ، مجيب سنڌي، عبدالخالق ڀٽي، جمشيد زھراڻي، مظهر پنهور، سڪندر سرواڻ، امداد لاشاري، امتياز دانش امرتا ڏاھري ۽ ٻين پنھنجون نڪور تخليقون تنقيد لاءِ پيش ڪيون، جڏهن ته امتياز دانش پنهنجي صدارتي خطاب ۾ چيو ته سنڌي ادبي سنگت شاخ ملير پنهنجي سرگرمين جي ذريعي نه صرف ڪراچي پر پوري سنڌ منفرد شاخ طور سڃاڻپ ٺاهي ورتي آهي، شاخ طرفان ملير جي مختلف علائقن ۾ دستوري گڏجاڻيون به وڏو اثر ڇڏين ٿيون، جن کان متاثر ٿي مختلف علائقن مان نوان قلمڪار سنگت سان جڙي رهيا آهن، هن چيو ته سنگت جو به اصلي مقصد اهو ئي هو ته سنڌ جي سڀني قلمڪارن کي هڪ پليٽ فارم مهيا ڪجي، گڏجاڻي ۾ نهايت سريلي راڳي عبدالخالق ڀٽي سرن ورکا ڪري سڀني کي جهومائي ڇڏيو.