سکر ۾ ڪوٽڏيجي واسي نوجوان جي قتل خلاف سندس چاچي جو احتجاج

سکر (بيورو)ڪوٽڏيجي واسي عبدالشڪور رند پنهنجي ڀائٽي صفيان رند جي قاتلن جي گرفتاري لاءِ سکر پريس ڪلب پهچي احتجاج ڪندي الزام مڙهيو آهي ته علائقي جي بااثر جوابدارن ڀائيٽي کان پنج لک روپيا ڀتو طلب ڪيو، انڪار تي 9 ڏينهن اڳ صفيان کي جوابدار عبدالواحد رند پنهنجي ساٿين سان گڏجي حملو ڪري بيدرديءَ سان قتل ڪرڻ کانپوءِ فرار ٿي ويا. اهڙو ڪيس پڻ داخل ڪرايو ويو آهي پر هن وقت تائين پوليس قاتلن کي گرفتار ڪرڻ ۾ ناڪام آهي. نتيجي ۾ بااثر جوابدار ڪيس تان هٿ کڻڻ لاءِ موتمار ڌمڪيون ڏئي رهيا آهن. هن ايس ايس پي خيرپور کان نوٽيس وٺي قتل ڪيس ۾ ڄاڻايل جوابدارن کي فوري طور گرفتار ڪري تحفظ ۽ انصاف فراهم ڪرڻ جو مطالبو ڪيو آهي.