تین سال قبل لاپتہ ہونے والی شادی شدہ خاتون کو فیس بک کی مدد سے ٹریس کر لیا گیا

لکھنؤ (ویب ڈیسک) سوشل میڈیا ایپ فیس بک کی مدد سے تین سال بعد لاپتہ خاتون کا سراغ لگا لیا گیا ہے۔ غیر ملکی میڈیا کے مطابق واقعہ لکھنؤ میں پیش آیا جہاں فیس بک کے ذریعے 23 سالہ خاتون کو اس کے بوائے فرینڈ کے ساتھ ٹریس کیا گیا۔ پولیس کے مطابق کویتا نامی خاتون کی شادی ونی کمار سے 2017 میں ہوئی تھی اور وہ 5 مئی 2021 کو لاپتہ ہوگئی تھی۔ پولیس نے بتایا کہ بیٹی کے اچانک لاپتہ ہونے کے بعد کویتا کے رشتہ داروں نے سہارن پر قتل کا الزام لگایا، جس کے بعد کویتا کے شوہر، بہنوئی، ساس اور خالہ کے خلاف مقدمہ درج کیا گیا۔ پولیس کے مطابق کافی تلاش کے باوجود کویتا کا سراغ نہیں مل سکا اور ایک سال گزرنے کے بعد کویتا کے شوہر نے اس کے اہل خانہ کے خلاف اغوا کا مقدمہ درج کرایا جس کے بعد عدالت نے واقعے کی حقیقت جاننے اور کویتا کی تلاش کا حکم دیا۔ پولیس کے مطابق کویتا کی تلاش عدالت کے حکم پر شروع کی گئی تھی اور اس دوران جعلی نام اور شناخت والے فیس بک اکاؤنٹ کی سرگرمی نوٹ کی گئی جس کے بعد پولیس نے سرچ آپریشن کرتے ہوئے کویتا کو ڈھونڈ نکالا۔ پولیس کے مطابق، کویتا کو اس کے بوائے فرینڈ کے ساتھ لکھنؤ کے دلی گنج علاقے میں پکڑا گیا، پوچھ گچھ کے دوران، کویتا نے اپنے بوائے فرینڈ گپتا کے ساتھ رہنے کا اعتراف بھی کیا۔