پی ٹی آئی نے خیبرپختونخوا میں گورنر راج اور ایمرجنسی نافذ کرنے کے فیصلے کو پشاور ہائی کورٹ میں چیلنج کر دیا

پشاور (ویب ڈیسک) پاکستان تحریک انصاف (پی ٹی آئی) نے خیبرپختونخوا میں گورنر راج اور ایمرجنسی نافذ کرنے کے فیصلے کو پشاور ہائی کورٹ میں چیلنج کر دیا۔ پی ٹی آئی کے چیئرمین بیرسٹر گوہر نے کہا ہے کہ خیبرپختونخوا میں گورنر راج اور ایمرجنسی نافذ کرکے جمہوری حکومت ختم کر دی گئی ہے۔ انہوں نے امید ظاہر کی کہ عدالت صوبے میں جمہوری حکومت بحال کرے گی۔ بیرسٹر گوہر کے مطابق عدالت سے درخواست کی گئی ہے کہ اس معاملے کی سماعت جلد کی جائے۔ انہوں نے کہا کہ پی ٹی آئی اپنی آئینی اور قانونی جدوجہد جاری رکھے گی۔