میانوالی چیک پوسٹ پر دہشت گردوں کا راکٹ لانچر سے حملہ

میانوالی (ویب ڈیسک) پولیس نے میانوالی کے علاقے عیسیٰ خیل میں پولیس چوکی قبل خیل پر دہشت گردوں کا حملہ ناکام بنا دیا۔ ترجمان پنجاب پولیس کے مطابق 14 سے 14 دہشت گردوں نے چیک پوسٹوں پر راکٹوں اور دستی بموں سے حملہ کیا، حملے میں 2 پولیس اہلکار معمولی زخمی بھی ہوئے۔ ڈی پی او میانوالی کا کہنا ہے کہ ڈی ایس پی عیسیٰ خیل لوگوں کی بڑی تعداد کے ساتھ چیک پوسٹ پر پہنچے۔ پولیس کا کہنا ہے کہ فرار ہونے والے دہشت گردوں کی گرفتاری کے لیے علاقے میں سرچ آپریشن شروع کر دیا گیا ہے۔ آئی جی پنجاب ڈاکٹر عثمان انور نے دہشت گردوں کے حملے کو ناکام بنانے پر پولیس چیک پوسٹ کے بہادر جوانوں کی تعریف کی۔ انہوں نے کہا کہ گزشتہ چند ماہ میں پنجاب پولیس پر دہشت گردوں کا یہ نواں حملہ ہے جسے ناکام بنایا گیا ہے۔ انہوں نے مزید کہا کہ پنجاب پولیس مستقبل میں دشمن کے مذموم عزائم کو ناکام بنائے گی حملے کے بعد ڈی پی او میانوالی اختر فاروق پہنچ گئے اور جوانوں کے حوصلے بلند کئے۔