نبي سر ٿر ويجهو ڳوٺ سعيدو چانڊيو وٽ حادثو، اسڪولي ٻارڙن سميت 9 ڄڻا زخمي
زخمين ۾ ڀيمجي ڀيل، امين، نجيب، عزيز، محمد بلال، گلبانو، وسيم، اذان، عابد رضا، الاهي بخش سهتو ۽ ٻيا شامل
عمرڪوٽ(ڊ ر) ڪنري ويجھو اسڪولي ٻارن جي وين جو ڊيم تي ويندڙ مزدورن جي گاڏي سان زوردار ٽڪر، اسڪولي ٻارن سميت 9 ڄڻا زخمي ٿي ويا. نبي سر ٿر لڳ ڳوٺ سعيدو چانڊيو وٽ اسڪولي ٻارن کي کڻي ويندڙ بولان ۽ وين ۾ آمھون سامهون زوردار ٽڪر ٿي پيو، ٽڪر جي نتيجي ۾ 9 ڄڻا سخت زخمي ٿي پيا سمورن زخمين کي تعلقي اسپتال ڪنري نيو ويو. زخمين ۾ ڀيمجي ڀيل، امين، نجيب، عزيز، محمد بلال، گلبانو، وسيم، اذان، عابد رضا، الاهي بخش سهتو ۽ ٻيا شامل آھن، جتان هڪ زخمي ڊرائيور ڀيمجي ڀيل کي نازڪ حالت هئڻ سبب حيدرآباد نيو ويو، پوليس موجب اسڪولي ٻار نبي سر ٿر کان ڪنري اچي رهيا هئا ته سامهون ڊيم تي ويندڙ مزدورن جي گاڏي سان ٽڪر ٿيو.