وڏي وزير سيد مراد علي شاهه سان ايم پي اي مخدوم فخر الزمان جي ملاقات
مٽياري ضلعي ۾ امن امان جي صورتحال کي وڌيڪ بهتر بڻايو ويندو: وڏو وزير سيد مراد علي شاھھ
ڪراچي(اسٽاف رپورٽر) مٽياري جي صوبائي اسيمبلي ميمبر مخدوم فخر الزمان جي سنڌ جي وڏي وزير سيد مراد علي شاهه سان ملاقات ، مٽياري ضلعي جي ترقياتي منصوبن ۽ صوبي ۾ امن امان جي صورتحال تي تفصيلي ڳالهه ٻولهه ، پارلياماني سيڪريٽري گهرو مخدوم فخر الزمان جي افغان تڪرار جي تناظر ۾ سيڪيورٽي کي يقيني بڻائڻ بابت آگاهي ڏني، ان موقعي تي مٽياري جي صوبائي اسيمبلي ميمبر مخدوم فخر الزمان چيو تھ افغان تڪرار جي موجوده صورتحال کي نظر ۾ رکندي، سنڌ جي شهرين جي سيڪيورٽي کي اولين ترجيح ڏني ويندي، ان موقعي تي وزيراعليٰ سنڌ سيد مراد علي شاھھ چيو تھ مٽياري ضلعي ۾ امن امان جي صورتحال کي وڌيڪ بهتر بڻايو ويندو ڏوهارين عنصرن خلاف اثرائتي ۽ سخت ڪارروائي لاءِ پوليس کي واضح هدايتون جاري ڪيون وينديون مٽياري ۾ جاري ترقياتي منصوبا وقت تي مڪمل ڪيا ويندا صوبائي سالياني ترقياتي پروگرام (ADP) 2026-27 ۾ مٽياري جي اسڪيمن کي ترجيح ڏني ويندي اوڊيرو اسٽيشن اسپتال کي سنڀالڻ تي غور ڪيو وڃي عوام کي بهتر طبي سهولتون فراهم ڪيون وڃن