عورت صحافی کے ساتھ غیر اخلاقی سلوک کرنے والا شخص گرفتار

لائیو نشریات کے دوران عورت صحافی کے ساتھ غیر اخلاقی سلوک کرنے والا شخص گرفتار اسپین میں براہ راست ٹی وی نشریات کے دوران صحافی کو ہراساں کرنے پر ایک شخص کو گرفتار کر لیا گیا۔ میڈرڈ میں ڈکیتی کی کوریج کے دوران صحافی عیسی بلاد کو جنسی طور پر ہراساں کیا گیا۔ خاتون سڑک پر کھڑی اطلاع دے رہی تھی کہ پیچھے سے ایک شخص آیا اور اسے نامناسب انداز میں چھوا، جس کی ویڈیو سوشل میڈیا پر وائرل ہوگئی اور صارفین اس شخص کو ایسی حرکت کرنے پر تنقید کا نشانہ بنا رہے ہیں۔ واقعے کے حوالے سے صحافی کا کہنا تھا کہ میزبان کے اصرار پر میں اس شخص کو کیمرے کے سامنے لایا، وہ قریب آیا اور مجھے نامناسب طریقے سے چھوا، لیکن میں نے اپنا کام جاری رکھنے کی کوشش کی، پھر وہ شخص مجھے چھونے کی کوشش کرتا ہوا چلا گیا۔ اس حوالے سے پولیس کا کہنا ہے کہ لائیو نشریات کے دوران خاتون کو جنسی طور پر ہراساں کرنے والے شخص کو گرفتار کر لیا گیا ہے۔