سنڌ سجاڳ سنسار جون انساني ڀلائي جون خدمتون ساراهه جوڳيون آهن:آغا فخر حسين
ايس ايس او جي سي اي او معشوق برهماڻي کي انساني حقن واري ڊائريڪٽر آغا فخر حسين تعريفي سرٽيفڪيٽ پيش ڪيو
ڪراچي (اسٽاف رپورٽر) انساني ڀلائي ۽ سجاگ سنسار آرگنائيزيشن (ايس ايس او) جي لاءِ خدمتن جي اعتراف ۾، ايس ايس او جي سي اي او معشوق برهماڻي کي سنڌ جي انساني حقن واري کاتي جي ڊائريڪٽر آغا فخر حسين پاران تعريفي سرٽيفڪيٽ پيش ڪيو ويو. هي تقريب ڪراچي ۾ انساني حقن واري کاتي جي آفيس ۾ ٿي. سنڌ جي انساني حقن واري کاتي ٻارن جي حقن، موسمياتي تبديلي، پاڻي، صفائي (واش)، ۽ آفتن جي خطري ۾ گهٽتائي (ڊي آر آر) جي شعبن ۾ سنڌ سجاگ سنسار جي شاندار ڪوششن جي تعريف ڪئي آهي. آغا فخر حسين چيو ته معشوق برهماڻي جي اڳواڻي ۾، ايس ايس او انساني ڀلائي جي شعبن ۾ وڪالت، برادري جي ترقي ۽ پاليسي سازي ۾ اهم ڪردار ادا ڪيو آهي، جيڪو قابل تقليد ۽ تعريف جي لائق آهي.