گورنر سنڌ ڪامران ٽسوري پاران ھيلٿ رپورٽر ايسوسيئيشن جي مان ۾ افطار پارٽي

ڪراچي؛ گورنر سنڌ ڪامران ٽسوري طرفان ھيلٿ رپورٽر ايسوسيئيشن جي مان ۾ افطار پارٽي منعقد ڪئي وئي، جنھن ۾ مختلف اخبارن ۽ ٽي وي چئنلز ۾ ھيلٿ بيٽ ڪندڙ صحافين شرڪت ڪئي، ايڊھاڪ ڪميٽي جي سربراھ اختر شاھين جي قيادت ۾ ھيلٿ رپورٽرن عمران پيرزادو، ابراھيم رند، بابر شيخ، مسرور کھڙو، نصرالله جمالي، خالد جلباڻي، صفدر بٽ، عابد لوڌي، لياقت مغل، راجا ارشاد اسدي، وسيم ھاشمي، راجا عمران، رضوان جلالي، ماريه اسماعيل، عابدہ خان، امداد سومراھ، پون ڪمار، عمران شھزاد ۽ ٻين شرڪت ڪئي، ان موقعي تي ھيلٿ بيٽ رپورٽرن جي وفد گورنر سنڌ ڪامران ٽسوري سان ملاقات ڪئي، ملاقات ۾ صحافين پيش ايندڙ مسئلن بابت به آگاھ ڪيو، جنھن تي ڪامران ٽسوري صحافين کي مڪمل سھڪار جو يقين ڏيارو، گورنر سنڌ ڪامران ٽسوري چيو ته ھيلٿ رپورٽر عوام لاء صحت جي نظام بابت آگاھي فراھم ڪرڻ ۾ اھم ڪردار ادا ڪري رھيا آھن، گورنر ھائوس جا دروازا عوام ۽ صحافي برادري لاء ھر وقت کليل آھن، روزانو مختلف ادارن ۽ شعبن سان لاڳاپيل ھزارين ماڻھن کي افطار ڪرائي رھيا آھيون.، ھيلٿ رپورٽر ايسوسيئيشن جي وفد گورنر سنڌ ڪامران ٽسوري جي عوامي خدمتن کي پڻ ساراهيو.