عمران خان سے ملاقات، ان کی احتجاجی کال حتمی ہے: بیرسٹر گوہر

راولپنڈی (ویب ڈیسک) پی ٹی آئی کے چیئرمین بیرسٹر گوہر نے کہا ہے کہ میری عمران خان سے اہم ملاقات ہوئی، جس میں انہوں نے احتجاج کو حتمی کال قرار دیا۔ بیرسٹر گوہر اور بیرسٹر سیف نے اڈیالہ جیل میں عمران خان سے ملاقات کی جو تقریباً ڈیڑھ گھنٹے تک جاری رہی۔ پھر صحافیوں سے بات کرتے ہوئے بیرسٹر گوہر نے کہا کہ میری اہم ملاقات ہوئی ہے، پی ٹی آئی کے بانی کی احتجاج کی کال حتمی ہے اور کوئی کال آف نہیں ہے۔ مذاکرات سے متعلق سوال پر انہوں نے کہا کہ بات چیت چل رہی ہے، اس کے بارے میں آپ کو بتائیں گے۔