نوشهرو فيروز ايڊيشنل ڊپٽي ڪمشنر (ون) لياقت علي لنڊ جي صدارت هيٺ اجلاس

نوشهرو فيروز (ڊر) عدالتي حڪمن جي روشني ۾ نوشهروفيروز ضلعي جي وڏن شهرن ۾ پبلڪ ٽوائلٽس جي تعمير جي سلسلي ۾ ايڊيشنل ڊپٽي ڪمشنر (ون) لياقت علي لنڊ جي آفيس ۾ اجلاس ٿيو. اجلاس ۾ ضلعي جي سمورن سرڪاري کاتن جي ضلعي آفيسرن شرڪت ڪئي. ان موقعي تي هن چيو ته عدالتي حڪمن جي روشنيءَ ۾ عوام جي سهولت لاءِ بس اسٽاپ، سمورين ننڍين وڏين مارڪيٽن ۽ ٻين هنڌن تي پبلڪ ٽوائلٽس ٺاهيا پيا وڃن سمورن کاتن جي آفيسن ۾ صفائي سٿرائي سان گڏ واش رومز جي سهولتن کي وڌيڪ بهتر بڻايو وڃي. هن سمورن اسسٽنٽ ڪمشنرن ۽ ميونسپل ۽ ٽائون ڪميٽين جي آفيسرن کي هدايت ڪئي ته هو پنهنجي لاڳاپيل تعلقن ۾ هنڌن جي نشاندهي ڪن ۽ لسٽون ڊپٽي ڪمشنر آفيس کي فراهم ڪيون وڃن. جڏھن تہ اڳ ۾ ئي فنڊز مختص ڪيا ويا آهن. جتي پبلڪ ٽرائليٽ اڳ ۾ ئي موجود آهن، انهن کي فعال رکڻ گهرجي. هن اها به هدايت ڪئي ته هاءِ ويز تي واقع هوٽلن ۽ پيٽرول پمپن تي واش رومز استعمال ڪرڻ لاءِ چارجز وصول ڪرڻ جون شڪايتون ملي رهيون آهن. اهڙن هوٽلن ۽ پيٽرول پمپن جي مالڪن کي صلاح ڏني وڃي ٿي ته اهي واش استعمال ڪندڙن کان فوري طور تي وصولي ڪرڻ بند ڪن. هن چيو ته شهرن ۾ ميونسپل ڪميٽين ۽ ٽائون ڪميٽين طرفان پلاٽ فراهم ڪيا وڃن ۽ واش رومز جي تعمير کان پوءِ ميونسپل ڪميٽين ۽ ٽائون ڪميٽين طرفان صفائي، پاڻي ۽ ٻيون سهولتون فراهم ڪيون وينديون.