ٺٽو پوليس پاران هڪ زخمي سميت ٽن ڏوهارين کي گرفتار ڪرڻ جي دعويٰ

مقابلي ۾ مختيار بروهي زخمي ٿي پيو، کيس شاهنواز سولنگي ۽ فرحان بروهي طور گرفتار ڪري ورتو: پوليس

ٺٽو (محمد شفيق ڀٽي)ٺٽو پوليس جي ڪامياب ڪارروائي، پوليس مقابلي دوران ڦرون رهزنين ۽ موٽر سائيڪل چوري ۾ ملوث 2 جوابدار گرفتار، جڏهن⁠ تہ 1 جوابدار هٿيار سميت زخمي حالت ۾ گرفتار، 10 ڦر / چوري ٿيل موٽر سائيڪلون هٿ. ڊي ايس پي ٺٽو جي پريس ڪانفرنس.تفصيل موجب ڊي ايس پي ٺٽو وحيداللہ لاڙڪ،ايس ايڇ او مڪلي انور شر،ايس ايڇ او ٺٽو ماجد ڪورائي ۽ سي آئي اي انچارج ٺٽو مراد علي بکراڻي سان گڏ ايس ايس پي آفيس ۾ پريس ڪانفرنس ڪندي چيو تہ رات دير سان پوليس کي اطلاع مليو ته 5 اڻڄاتل هٿياربند جوابدار ٺٽو سيمينٽ فيڪٽري ڀرسان، ڳوٺ قاسم جوکيو لنڪ روڊ تي ڦر جي ارادي سان موجود آهن۔اطلاع ملڻ شرط، ايس ايڇ او ٿاڻو مڪلي سب انسپيڪٽر انور علي شر، ايس ايڇ او ٿاڻو ٺٽو انسپيڪٽر ماجد ڪورائي ۽ انچارج سي آءِ اي ٺٽو مراد علي بکراڻي پنهنجي ساٿين سان گڏ بروقت واقعي واري هنڌ پهتا ۽ جوابدارن جو پيڇو ڪيو۔ جوابدارن پوليس کي جان سان مارڻ جي نيت سان فائرنگ ڪئي، جنهن تي پوليس طرفان به جوابي فائرنگ ڪئي وئي ۽ پوليس مقابلو ٿيو۔ھن وڌيڪ چيو تہمقابلي دوران هڪ جوابدار زخمي حالت ۾، ڏوھن ۾ استعمال ٿيل پسٽل سميت گرفتار ڪيو ويو، جنهن جي سڃاڻپ مختيار ولد محمد علي بروهي، رهواسي اصل ٽنڊوالهيار، حال ڪچي آبادي مڪلي طور ٿي۔ وڌيڪ ٻن جوابدارن شاھنواذ ولد محمد اسماعيل سولنگي ۽ فرحان ولد نديم هولاڻِي ملاح کي به گرفتار ڪيو ويو۔ان موقعي تي ھن وڌيڪ چيو تہابتدائي جاچ موجب، زخمي حالت ۾ گرفتار جوابدار پنهنجي ساٿين سان گڏ ضلع ٺٽو، ٽنڊوالهيار ۽ ٻين علائقن ۾ ڌاڙن، رهزنين ۽ موٽر سائيڪل ڦرون جي ڪيترين ئي وارداتن ۾ ملوث آهي۔ جوابدارن جي نشاندهي تي 10 ڦر ڪيل۽ چورايل موٽر سائيڪلون هٿ ڪيون ويون اھن، جڏھن تہفرار جوابدارن، قادر ولد پوڙهو سولنگي ۽ بابو ولد آچار هولاڻِي ملاح، جي گرفتاري لاءِ پوليس جا ڇاپا جاري آهن۔گرفتار جوابدارن جو مڪمل ڪرمنل رڪارڊ چيڪ ڪيو پيو وڃي، جڏهن⁠ تہ وڌيڪ ريڪوري لاءِ جوابدارن جو پوليس ريمانڊ حاصل ڪيو ويو آهي۔ وڌيڪ جاچ جاري آهي۔ڊي ايس پي ٺٽو وڌيڪ ٻڌايو تہايس ايس پي ٺٽو فاروق احمد بجاراڻي طرفان بروقت ڪامياب ڪارروائي ڪرڻ تي پوليس ٽيم کي شاباش ۽ تعريفي سرٽيفڪيٽ ڏيڻ جو اعلان ڪيو ويو۔