پ پ چيئرمين بلاول ڀٽو زرداري پاران آغا سراج دراني جي لاڏاڻي تي سندس پٽ آغا شهباز دراني سان تعزيت

مير نادر علي مگسي، خورشيد جوڻيجو، محمد بخش خان مھر، جميل سومرو ۽ ٻين به تعزيت ڪئي

شڪارپور (احسان ابڙو) اڳوڻي اسپيڪر سنڌ اسيمبلي پ پ اڳواڻ ايم پي اي آغا سراج خان دراني جي وفات ڪري وڃڻ تي تعزيتون جاري پيپلزپارٽي جو چيئرمين بلاول ڀٽو زرداري سان گڏ مير نادر علي مگسي، خورشيد جوڻيجو، سردار محمد بخش خان مھر، جميل سومرو ۽ ٻيا به سوڳوار خاندان سان تعزيت لاءِ ڳڙھي ياسين پھتا جتي وارثن آغا شھباز خان دراني ، آغا موسي خان دراني سان تعزيت ڪئي وئي جتي پ پي چيئرمين ڳالھائيندي چيو تہ آغا سراج دراني آمريت جي دور ۾ تڪليفون برداشت ڪيون پر ڀٽوازم جي نظريي کان انحراف نه ڪيو ھن وڌيڪ چيو ته آغا سراج دراني جون ڏهاڪن تي محيط سياسي ۽ عوامي خدمتون ناقابلِ فراموش آھن بلاول ڀٽو زرداري آخر ۾ چيو ته اهڙا ڪردار، جن پنهنجي جدوجهد سان نئين نسل لاءِ رستا هموار ڪيا، تاريخ ۾ هميشه زنده رهڻ گهرجن