ڳڙهي ياسين ويجهو بوائز پرائمري اسڪول جي عمارت زبون حال، شاگردن ۽ ڳوٺاڻن جو احتجاج

ڳوٺ نبي شاھ وڳڻ جي پرائمري اسڪول جي عمارت تباهه حال بڻيل آهن، استادن جي به کوٽ آهي: ڳوٺاڻا

شڪارپور (احسان ابڙو) شڪارپور جي تعلقي ڳڙهي ياسين جي ڳوٺ نبي شاھ وڳڻ جي بوائيز پرائمري اسڪول زبون حال بڻيل شاگردن ۽ ڳوٺاڻن احتجاج ڪندي ميڊيا سان ڳالهائيندي چيو ته 2014 کان گورنمينٽ بوائيز پرائمري اسڪول نبي شاھ وڳڻ 2014 کان زبون بڻيل آهي جنهن جي نئين بلڊنگ جي تعمير جي لاءِ وس وارن توڙي تعليم کاتي جي بالا آفيسرن کي ڪافي ڀيرا درخواستون ڏنيون آهن ان باوجود به هن وقت تائين بلڊنگ نه ملي سگهي آهي ۽ اسان جي اسڪول ۾ 200 سئو کان وڌيڪ شاگرد تعليم پرائي رهيا آهن جنهن ۾ عملي جي کوٽ آهي اسڪول ۾ صرف 2 استاد 200 سئو شاگردن کي پڙهائڻ ۾ تڪليف ٿي پئي جنهن جي کوٽ کي پورو ڪرڻ لاءِ وڌيڪ استاد ڏنا وڃن ته جيئن تعليم جو معيار بهتر ٿي سگهي ۽ اسڪول اندر فرنيچر جي تمام گهڻي کوٽ آهي فرنيچر نه هجڻ ڪري معصوم شاگرد پٽ تي ويهي تعليم پرائن ٿا جنهن کوٽ کي پوري ڪرڻ لاءِ فرنيچر ڏنو وڃي جڏھن ته اسڪول جي هيڊ ماستر امجد علي شاھ وڌيڪ ميڊيا سان ڳالهائيندي چيو ته اسان جو اسڪول وڏي ۾ وڏو علائقي ۾ اسڪول آ تعليم کاتي جي اعلي آفيسرن کي گھرجي تہ اسڪول جي نئين بلڊنگ ۽ فرنيچر ڏياريو وڃي ۽ وڌيڪ استاد مقرر ٿيڻ ته بھتر ھوندو