ڏوڪري ۾ جانورن کي مخلتف بيمارين کان بچاءُ لاءِ ويڪسين لڳائي وئي

ڏوڪري (رپورٽر) ڏوڪري ۾ جانورن کي مخلتف بيمارين کان بچاءُ لاءِ گوريمنيٽ وٽرنري ڊسپنسيري ۽ لائيو اسٽاڪ پاران ويڪسين لڳائي وئي آهي. لائيو اسٽاڪ ۽ گوريمنيٽ وٽرنري ڊسپنسيري جي انچارج ڊاڪٽر محمد مسلم نور مڱريو،گوريمنيٽ وٽرنري سينٽر بگي جي انچارج ڊاڪٽر صدام حسين خاصخيلي، لائيو اسٽاڪ انسپڪٽر واجد علي جوڻيجو ۽ ٻين پاران جانورن جي مخلتف بيمارين کان بچائڻ لاءِ ويڪسين لڳائي وئي آهي. ان موقعي تي انچارجز ڊاڪٽر محمد مسلم نور مڱريو ميڊيا سان ڳالهائيندي چيو ته چوپائي مال ۾ گهوگهي جي بيماري سميت مختلف بيمارين کان بچائڻ لاءِ ڏوڪري تعلقي جي مختلف ڳوٺن ۽ شهرن ۾ ويڪسين لڳائي رهيا آهيون. هنن چيو ته ڏوڪري جانورن جي اسپتال ۾ بهتر کان بهتر علاج ڪري رهيا آهيون. هن وڌيڪ چيو ته گوشت هلائيندڙ ڪاسائين سان اهم گڏجاڻي ڪري جانور جي مڪمل تپاس کان بعد جانور ذبح ڪرڻ جي اجازت ڏني ويندي.