حضرت لعل شهباز قلندر جي 774هين سالياني عرس مبارڪ جي آخري ڏينهن ملاکڙي جا مقابلا

مقابلي ۾ پهرئين، ٻئي ۽ ٽئين جوڙ جي ملهه پهلوانن وچ ۾ سخت ۽ دلچسپ زور آزمائي جا مقابلا ٿيا

سيوهڻ شريف (رپورٽر) حضرت سخي لعل شهباز قلندرؒ جي 774هين ٽن ڏينهن واري سالياني عرس مبارڪ جي ٽئين ۽ آخري ڏينهن جي موقعي تي سنڌ جي قديمي ۽ روايتي راند ملاکڙي جو شاندار اهتمام ملاکڙا گرائونڊ سيوهڻ شريف ۾ ڪيو ويو. مقابلي ۾ پهرئين، ٻئي ۽ ٽئين جوڙ جي ملهه پهلوانن وچ ۾ سخت ۽ دلچسپ زور آزمائي جا مقابلا ٿيا، جن کي ڏسڻ لاءِ شائقين جي وڏي انگ شرڪت ڪئي ۽ ملهه پهلوانن کي ڀرپور داد ڏنو، ان موقعي تي سيڪريٽري اسپورٽس سنڌ منور علي مھيسر ۽ ڊپٽي ڪمشنر ڄامشورو/ چيئرمين ميلا ڪميٽي غضنفر علي قادري مهمانِ خاص طور شرڪت ڪئي. ملاکڙي جي پهرئين جوڙ ۾ قربان هوٿي شاندار ڪارڪردگي ڏيکاريندي پهرين پوزيشن حاصل ڪئي، جڏهن ته ٻئي ۽ ٽئين جوڙ ۾ پڻ ملهه پهلوانن وچ ۾ زبردست مقابلا ٿيا ملاکڙي جي ميزباني جا فرائض اسپورٽس آفيسر ۽ ڪنوينئر ملاکڙا تحسين ڪوثر چنا سرانجام ڏنا مقابلي جي پڄاڻي تي پهرين، ٻئي ۽ ٽئين پوزيشن حاصل ڪندڙ ملهه پهلوانن کي سيڪريٽري اسپورٽس منور علي مھيسر ۽ ڊپٽي ڪمشنر ڄامشورو غضنفر علي قادري پاران شهباز شيلڊ ۽ نقد انعام ڏنا ويا ملاکڙي جي مقابلن کي شائقين وڏي دلچسپي سان ڏٺو، جڏهن ته ڪيترن ئي شوقينن پاران ملهه پهلوانن کي ذاتي انعام پڻ ڏنا ويا. ان موقعي تي معزز مهمانن کي سنڌي ٽوپي ۽ اجرڪ جا تحفا پڻ پيش ڪيا ويا،