شڪارپور ۾ جي يو آءِ جي مرڪزي سڏ تي احتجاجي ريلي ڪڍي وئي

بدامني، مهانگائي، تيل اگهن ۾ واڌ ۽ مولانا محمد ادريس جي قتل مذمت ڪئي وئي

شڪارپور ( احسان ابڙو) جمعيت علماء اسلام جي مرڪزي سڏ تي ملڪ ۾وڌندڙ بدامني ،ڳاٽي ٽوڙ مهانگائي ۽تيل جي وڌندڙ قيمتن خلاف پوري ملڪ جيان لکي ،چڪ،رستم ۾جي يو آئي اڳواڻن مولانا رحيم بخش مهر ،عبدالقدوس ،لطف الله،سعيد احمد انصاري ،مولانا رحيم بخش سومرو ،قاري عطاءالرحمن عباسي ۽ٻين جي قيادت ۾احتجاجي مظاهرو ڪيو ويو آهي ان موقعي تي اڳواڻن خطاب ڪندي چيو ته ملڪ ۾ بدامني لاقانونيت پنهنجي عروج تي آهي هتي ڪوبه ماڻهو محفوظ نه آهي ايتري قدر جو سڄي زندگي قرآني تعليمات کي ارپيندڙ عالم سڳورا به دهشتگردن جي گولين جو بک بڻجي ٿا وڃن تازو صوبي خيبر پختونخواه جي نامياري عالم دين سابق ايم پي اي مولانا محمد ادريس کي گوليون هڻي شھيد ڪيو ويو آهي اسان جو هي اڄوڪو مظاهرو مطالبو ڪري ٿو ته مولانا محمد ادريس جي قاتلن کي جلد ئي گرفتار ڪري سخت سزا ڏني وڃي ۽اسان حڪومت وقت کان مطالبو ڪيون ٿا تيل جي قيمتن ۽مهانگائي کي گھٽايو وڃي ته جيئن عام ماڻهو ۽پورهيت به پنهنجي ٻچن جو پيٽ پالي سگهي ،انهن وڌيڪ ڳالهائيندي چيو ته هتي گذريل ڪيترن ئي سالن کان قبيلائي تڪرار هلندڙ آهن جنهن ۾ مهر جتوئي تڪرار جو فيصلو ته ڪيو ويو آهي ليڪن بدقسمتي سان اڃان تائين فتوا جاري نه آهي ڪئي وئي جنھن ڪري هتان جو عوام خوف واري زندگي گذاري رهيو آهي ،ياد رهي ته مهر جتوئي ۽ٻين قبيلائي تڪرار سبب هن سال ڪيترائي شاگرد ميٽرڪ ۽انٽر جو امتحان نه آهن ڏئي سگهيا شاگردن جي زندگي جو قيمتي سال ضايع ٿيو آهي اسان مطالبو ڪيون ٿا ته جلد ئي مهر جتوئي تڪرار جي فتوا ڏني وڃي ته جيئن عام ماڻهو خوف واري صورتحال کان نڪري امن ۽ڀائيچاري سان پنهنجي زندگي جو ڪاروهنوار ھلائي سگهي ،جاري ڪندڙ،،! عبدالقدوس پريس سيڪريٽري جي يو آئي تعلقه لکي