پيارو اسٽيشن ويجهو چانڊيا ڌرين ۾ زمين جي تڪرار تان هڪ ڄڻو قتل

237 views | 28th Oct 2023 • سنڌي خبرون

هٿياربندن جي فائرنگ ۾ عبدالجبار چانڊيو مارجي ويو، ڌريون مورچابند

پيارو اسٽيشن: ڳوٺ ڪوڙو چانڊيو ۾ زميني تڪرار تان چانڊيه ڌرين ۾ جهيڙو، گوليون لڳڻ ڪري عبدالجبار ولد محمد ابراهيم چانڊيو قتل ٿي ويو ، ڌريون مورچا بند ٿي ويون ، فائرنگ جو سلسلو جاري ، اطلاع تي پوليس پهچي لاش ضروري ڪاروائي لاء دادو سول اسپتال پھچايو ،جتان ضروري ڪروائي کانپوء لاش وارثن حوالي ڪيو ويندو ، پوليس جو چوڻ آهي ته ڌرين ۾ زميني تڪرار هلندڙ هو ، سارين جي سٽ ڪرڻ دوران قربان چانڊيو وارن حملو ڪري پورهيت کي قتل ڪري ڇڏيو ، اطلاع تي پهچي جهيڙي کي ٽاريو آھي ، مقتول جي مڙھ کي ضروري ڪاروائي لاء اسپتال اماڻي ڇڏيو آھي.