ملير: گلشن حديد ۾ ڦر دوران شهرين جي فائرنگ ۾ 2 ڦورو زخمي، ڪٽڪي بعد پوليس حوالي

ملير (رپورٽ: عبدالرشيد مورجھريو)گلشن حديد ۾ بدامني، پوليس ناڪام، شهرين ٻن ڦورن کي سوگهو ڪري ورتو، هٿيار ۽ گوليون هٿ، تشدد بعد پوليس حوالي، ملير جي سينئر صحافي سامي ميمڻ جي ڀاءُ کان به فورو موبائيل فون ۽ روڪ رقم ڦر ڪئي، ڦورن رڻ ٻاري ڏنو آهي صبح شام مورٽر سائيڪل موبائيل فون ۽ روڪ رقم ڦر ڪرڻ معمول بڻيل آهي پوليس ننڊ ۾ ستل آهي، رهواسي تفصيل موجب گلشن حديد ۾ بدامني کي ٻنجو نه آيو آهي پوليس ڏوھ روڪڻ ۾ مڪمل طور ناڪامي بعد گذريل ڏينهن گلشن حديد فيز 2 ۾ ٻن ڦورن واردات جي ڪوشش ڪئي ته شهرين جي هٿ چڙهي ويا ڦورن جي ستايل شهرين ٻن ڦورن کي هڪ پسٽل ۽ گولين سميت سوگهو ڪري سخت تشدد بعد پوليس حوالي ڪيو واضح رهي ته 2 ڏينهن اڳ سينئر صحافي سامي ميمڻ جي ڀاءُ زاهد ميمڻ کي صبح جو ڊيوٽي تي ويندي 2 ڦورن يرغمالي بڻائي موبائيل فون ۽ 5 هزار روڪ رقم ڦر ڪري فرار ٿي ويا هئا ان سلسلي ۾ علائقي واسين ٻڌايو ته پوليس جي غفلت سبب ڦورن رڻ ٻاري ڏنو آهي صبح شام مورٽر سائيڪل موبائيل فون ۽ روڪ رقم ڦر ڪرڻ معمول بڻيل آهي پر شڪايتن باوجود پوليس طرفان اثرائتي ڪاروائي نه ڪرڻ سبب ڏوهاري کلي عام وارداتون ڪري فرار ٿي وڃن ٿا خاص ڪري ڦورو صبح ڌاري موٽر سائيڪلن تي ڊيوٽي تي ويندڙ شهرين کي نشانو بڻائن ٿا