اسٽيل ٽائون پوليس پاران گرفتار پپري نوجوان جا وارث پريس ڪلب پهچي ويا، پوليس تي الزام

پوليس فدا لانگاهه کي بس اڏي تان کنڀي سندس کيسي مان 4 لک کپي چرس رکڻ جو ڪيس داخل ڪري ڇڏيو آهي: وارث

ملير(رپورٽ: عبدالرشيد مورجھريو)اسٽيل ٽائون پوليس پپري جي رهواسي نوجوان کي بس اڏي تان گرفتار ڪري کيسي مان 4لک روپيا ڪڍي چرس رکڻ جو ڪيس داخل ڪري ڇڏيو، نوجوان فدا لانگاھ پپري ۾ جڳا وڪرو ڪري 4لک کڻي ڳوٺ وڃي رهيو هو ته اسٽيل ٽائون ٿاڻي جي سپاهي آصف عباسي پيسن جي موجودگي تي کيس پڪڙي ٿاڻي منتقل ڪيو ۽ ايس ايچ او سان صلاح ڪري مٿس چرس جو ڪيس مڙھي ڇڏيو وارثن ۽ لانگاھ تنظيم جي عهديدارن جو احتجاج انتظامي آفيسرن کي پريس ڪانفرنس جي ذريعي آگاهي ۽ انصاف لاء اپيل تفصيل موجب آل پاڪستان لانگاھ جماعت سنڌ جي سينيئر وائس چيرمين حاجي منور لانگاھ ڪراچي جي صدر عزيز لانگاھ ضمير لانگاھ ۽ نذاڪت لانگاھ عوامي پريس ڪلب ملير ۾ پريس ڪانفرنس ڪندي اسٽيل ٽائون جي اڳوڻي ايس ايچ او طاهر قادري ۽ سپاهي آصف علي عباسي خلاف سخت احتجاج ڪندي الزام هنيو آھي.ته ڪجھ ڏينهن اڳ اسان جي برادري جو نوجوان فدا لانگاھ پپري ۾ جڳه وڪڻي 4لک روپيا کڻي ڳوٺ وڃي رهيو هو ته سپاهي آصف علي عباسي کي مختلف ذريعن وٽان خبر پئي ته فدا وٽ 4لک روپيا آھن ڄاڻايل سپاهي اڳوڻي ايس ايچ او طاهر قادري جي چوڻ تي بس اڏي تان فدا لانگاھ کي ٿاڻي وٺي آيو جتي سندس کيسي مان 4لک روپيا ۽ موبائل فون ڪڍي کيس چرس رکڻ جي ڏوھ ۾ ڪيس داخل ڪري ڇڏيو هنن چيو ته پوليس کاتي ۾ موجود ڪارين رڍن پوليس کاتي کي بدنام ڪري ڇڏيو آھي جنهن سبب شاھ لطيف ٿاڻي ۾ نوجوان جي قتل ٿيڻ جھڙا واقعيا پيش اچي رهيا آھن هنن چيو ته اسٽيل ٽائون پوليس جي ڄاڻايل سپاهي ۽ ايس ايچ او جي نوجوان سان ڪيل ظلم کي عدالت ۾ وائکو ڪيو ويندو ان سلسلي ۾ سنڌ جو وڏو وزير آئي جي سنڌ ڊي آئي جي ايسٽ ذون ۽ ايس ايس پي ملير فوري طور نوٽس وٺي اڳوڻي ايس ايچ او طاهر قادري ۽ سپاهي آصف عباسي خلاف انڪوائري ويهاري نوجوان فدا لانگاھ تي مڙھيل ڪوڙو ڪيس ختم ڪرائي ڦريل 4لک روپيا واپس ڪرايا وڃن هنن چتاء ڏنو ٿه جيڪڏهن اڳوڻي ايس ايچ او اسٽيل ٽائون ۽ سپاهي خلاف قانوني ڪاروائي ڪري پيسا واپس نه ڪرايا ويا ته نه رڳو قانوني چارا جوئي ڪئي ويندي پر عوامي ۽ برادري بنيادن تي احتجاجي.مظاھرا ڪري ڌرڻا هنيا ويندا