ملير: ريڊيو ڪمپيئر شاعر، ليکڪ سڪندر سرواڻ جي سالگره ملهائي وئي

ملير (رپورٽ: عبدالرشيد مورجھريو)معروف ريڊيو ڪمپيئر شاعر، ليکڪ ۽ فڪري شخصيت سڪندر سرواڻ جي سالگره جي پر وقار تقريب سنڌي ادبي سنگت ملير جي ميزبانيءَ ۾ عوامي پريس ڪلب ملير ۾ ملهائي وئي جنهن ۾ ادبي، صحافتي ۽ فڪري حلقن سان تعلق رکندڙ شخصيتن وڏي تعداد ۾ شرڪت ڪئي تقريب جي آغاز ۾ سڪندر سرواڻ کي گلن جا هار پارايا ويا ۽ سندن علمي، ادبي خدمتن تي ڀرپور ڀيٽا پيش ڪئي ويئي سالگره جو ڪيڪ ڪٽي کين محبت، عقيدت ۽ دعائن سان ڀيٽا پيش ڪئي وئي ان موقعي تي مشاعرو به منعقد ٿيو، جتي سُهڻن شعرن ۽ يادگارن ڳالهين سان سڪندر سرواڻ جي ادبي سفر تي روشني وڌي وئي شرڪت ڪندڙن کيس سنڌ جي فڪري سرمايي جو اهم اثاثو قرار ڏيندي چيو ته سڪندر سرواڻ ريڊيو اسٽيج ۽ ادب جي ذريعي نه رڳو نوجوان نسل ۾ ٻوليءَ، تهذيب ۽ شعور کي اجاڳر ڪيو آھي پر هو هڪ اهڙو نالو آهي، جيڪو سنڌي سماج جي فڪري راهنمائي لاءِ هميشه ياد رکيو ويندو تقريب ۾ سنڌي ادبي سنگت ملير جي جنرل سيڪريٽري اصغر مھرائي، قومي شاعر غفور شاه تقوي، امداد سولنگي، قمبر ٻٽ خالد ڀٽي، سينيئر صحافي سامي ميمڻ، عوامي پريس ڪلب ملير جي جنرل سيڪريٽري سيد عنایت علي شاه، جامي ميمڻ ۽ ٻيا ادبي ۽ صحافتي نمائندا خاص طور شريڪ ٿيا تقريب جو اختتام محبتن ۽ يادگار لمحن سان ٿيو جتي سڪندر سرواڻ جي ذات کي سنڌي ادب جو روشن مينار قرار ڏنو ويو