ٽنڊو الهيار جي جوڙي ڪراچي ۾ پسند جو پرڻو ڪري ڇڏيو, تحفظ جو مطالبو

ملير (رپورٽر) ٽنڊو الهيار جي جوڙي ڪراچي سٽي ڪورٽ پهچي نڪاح ڪري ڇڏيو، پسند جو پرڻو ڪندڙ ناري جي مائيٽن طرفان نوجوان جوڙيِ کي مارڻ جون ڌمڪيون انتظاميا کان کان تحفظ جي گهر،تفصيل موجب ٽنڊوالهيار جي رهواسي ھندو جوڙي وشال ڪمار ولد جانو مينگهواڙ، زال ڀاڳونتي ولد نارو مينگهواڙ ڪراچي جي سٽي ڪورٽ پهچي 28 جون 2022 تي پنھنجي ڌرم موجب ڪورٽ ۾ نڪاح ڪري ورتو آهي, جوڙي صحافين کي نڪاح نامي سميت ڪورٽ جا حڪم نامه ڏيکاريندي چيو آهي ته اسان پنهنجي رضا خوشي سان نڪاح ڪيو آهي پر ڇوڪري جي مائٽن نارو مينگهواڙ ، شيو لعل ۽ ٻيا مائٽ اسان جي شادي قبول ڪرڻ کان انڪار ڪندي اسان کي موتمار ڌمڪيون ڏيئي رھيا آھن ناري ڀاڳونتي مينگهواڙ جو چوڻ هو ته، مون پنهنجي رضا خوشيءَ سان وشال ڪمار ولد جانو ميگھواڙ سان نڪاح ڪيو آهي مون کي نه ڪنهن ورغلايو آهي نه ڪنهن ڀڄايو آهي پوءِ به منهنجا مائيٽ اسان جي جان جا دشمن بڻجي ويا آهن اسان زال مڙس ٽن سالن کان دربدري جي زندگي گذاري رهيا آهيون، انھن چيو ته اسان سٽي ڪورٽ ڪراچي ۾ نڪاح ڪيو آهي ڪو ڏوھ ناهي ڪيو اسان کي پنهنجي مرضي جي زندگي گذارڻ ڏني وڃي، هنن آئي جي سنڌ، ڊي جي رينجرس سميت اعلي اختيارين کان گهر ڪئي آهي ته اسان کي تحفظ ڏيئي زندگي بچائي وڃي،