نوشهروفيروز ۾ عورت جو اڳ ڄاون پٽن خلاف احتجاج

نوشهروفيروز (ڊ ر)نوشهروفيروز ڀرسان مچر شهر جي رهواسڻ زرينا خاتون جيڪا مرحوم دلدار وسطڙو جي گهر واري آهي پنهنجي اڳ ڄاول پٽن جي مبينا ظلمن خلاف ميڊيا آڏو دانهيندي چيو ته منهنجو مڙس دلدار وسطڙو فوت ٿي چڪو آهي جنهن جون ٻه شاديون ٿيل هيون هاڻ منهنجا اڳ ڄاول پٽ ـ مجيب الرحمان وسطڙو، ماڻڪ وسطڙو بلاول وسطڙو ۽ معزم وسطڙو ـ مون کي زمين ۽ جڳهن مان قانوني حصو نٿا ڏين زرينا جو چوڻ هو ته جڏهن به هوءَ پنهنجو حصو گهري ٿي ته کيس موت مار ڌمڪيون ڏنيون وڃن ٿيون هن چيو ته هوءَ 4 نياڻين جي ماءُ آهي ۽ دربدر واري زندگي گذاري رهي آهي. اعليٰ اختيارين کان مطالبو ڪندي چيو ته مان سي ايم سنڌ، آءِ جي سنڌ، ڊي آءِ جي شهيد بينظير آباد، سيشن جج نوشهروفيروز، ايس ايس پي نوشهروفيروز ۽ ٻين وس وارن ادارن کان اپيل ڪئي ته مون کي تحفظ ڏنو وڃي ڌمڪيون ڏيندڙ پٽن خلاف قانوني ڪارروائي ڪري ۽ مون کي منهنجو حق ڏياري ڏنو وڃي هن خبردار ڪندي چيو ته جيڪڏهن مون سان ڪو به واقعو پيش آيو ته ان جو ذميوار منهنجا اڳ ڄاول پٽ هوندا.