ڪنڊيارو واسي خواجا سرا جو ساٿين تي تشدد ۽ نازڪ عضوو ڪٽڻ جو الزام

نوشهروفيروز(ڊر) ڪنڊيارو جي رهواسي کدڙي فقير سهيل شاهه کي سندس ئي ساٿين نوشهروفيروز ۾ گهرائي ڪمري م بند وري نشو ڏيڻ بعد وحشياڻو تشدد جو نشانو بڻايو آهي، گدڙي فقير جا نازڪ عضوا ڪٽي آهي سندس کيسي ۾ وجهي ڇڏيا جنهن سبب هو تڙپندو رهيو جنهن بعد هو رت ڳاڙيندو پريس ڪلب نوشهروفيروز پهتي. جتي دانهيندي هن چيو ته نوشهروفيروز ۾ ليلي، شازيه ،گلزاري ۽ ٻين کيس گهرايو جتي 10 کدڙا ۽ 5 مرد شامل هئا جن مونکي نشو ڏئي ڪپڙن کان آجو ڪري وحشياڻو تشدد ڪيو ۽ منهنجا نازڪ عضوا ڪٽي منهنجي کيسي ۾ وجهي ڇڏيا. هن روئندي چيو ته سڄو ڏينهن ڪمري م تڙپندو رهيس بعد ۾ ڪجهه ساٿي کڻي ٿاڻي تي ويا پر پوليس نه ڪيس ورتو نه ئي اسپتال داخل ٿيڻ لاء ليٽر ڏنو آهي. هن چيو مون سان ظلم ڪيو ويو آهي. هن گهر ڪئي ته منهنجي زندگي زهر ڪندڙ جوابدارن کي گرفتار ڪري سزا ڏني وڃي جيڪڏهن انصاف نه مليو ته انتهائي قدم کڻندس. کدڙي فقير سهيل شاهه عرف سهانه فقير جي فرياد تي نوشهروفيروز ٿاڻي تي 12 سڃاتل ۽ پنج اڻ سڃاتل جوابدارن خلاف ڪيس داخل ڪيو ويو آهي.ڪيس ۾ ليلان, افضل علي نواز عرف شازيه, انيتا, چاهت سميت 12 سڃاتل جوابدار شامل آهن. ڪيس ۾ موقف اختيار ڪيو ويو آهي ته ڪجهه وقت اڳ ڪنڊيارو مان کدڙو ڪرن فقير گم ٿي ويو جنهن الزام اسان تي هنيو ويو، جنهن بعد ليلان بليدي فقير وارن فيصلو ڪرڻ لاء پير محلا نوشهروفيروز ۾ گهرايو جتي هنن منصوبو جوڙي مونکي ڪمري ۾ بند ڪري سخت تشدد ڪرڻ بعد منهنجو نازڪ عضوو ڪٽي ڇڏيو. هوڏانهن ڪيس داخل ٿيڻ باوجود ڪابه گرفتاري عمل ۾ ناهي اچي سگهي.