ھڱورجا پريس ڪلب پاران ناليواري صحافي ڀائو ذلف پيرزادو جي ٻي ورسي ملھائي وئي

ڀائو ذلف پيرزادو سنڌ جي صحافتي ڪيريئر جو مزاحمتي ڪردار ھيو: غلام حسين چانگ ۽ ٻيا

ھڱورجا(رپورٽر)ھڱورجا پريس ڪلب پاران ناليواري صحافي ڀائو ذلف پيرزادو جي ٻي ورسي ملھائي وئي.ورسي تقريب جي صدارت صحافي اتحاد خيرپور جي چيئرمين غلام حسين چانگ ڪئي.تقريب کي خطاب ڪندي غلام حسين چانگ چيو ته ذلف پيرزادو سنڌ جي صحافتي ڪيريئر جو مزاحمتي ڪردار ھيو. ھن چيو ته ھو ڪميٽيڊ صحافي ۽ پورھيت دوست مضبوط آواز ھيو.سنڌي ادبي سنگت جي اڳواڻ ضمير سھتو رڪراڻي چيو ته ذلف بنيادي طور ھڪ برجستو سياسي ڪارڪن ھيو کاٻي ڌر سان تعلق ھجڻ ڪري سندس تربيت وطن ۽ پورھيت دوستي واري ھئي.ھنڱورجا پريس ڪلب جي صدر فرمان سھتو چيو ته ڀائو ذلف پيرزادو پنهنجي شخصيت ۾ سچو کرو ۽ ايماندار انسان ھيو ھميشه سندس قول ۽ فعل ۾ ھم آھنگي رھي.ھن ھميشه اصولن واري زندگي گذاري. محمد مٺل تنيو چيو ته ڀائو ذلف ڪمال جو انسان ھيو جنهن مظلوم ۽ محڪومن جو آواز اعلي ايوانن تائين پھچايو صحافي اتحاد تعلقي سوڀوديرو جي جنرل سيڪريٽري شمس الدين راڄپر چيو ته ذلف پنهنجي سموري زندگي صحافت کي ڏني کيس ھميشه ياد رکيو ويندو. تقريب دوران ناليواري راڳي فياض شيخ ڪلام ٻڌائي واھ واھ ڪرائي.پروگرام ۾ ھنڱورجا پريس ڪلب جي جنرل سيڪريٽري اعجاز علي ھرياھ , قاصد الله آرائين, عابد حسين سولنگي,ظفر آزاد صديقي,علي داد راڄپر,گلزار سھتو,سجاد آرائين,محمد شريف شيخ, معشوق منڱڻيجو, افتخار چنو,عبدالقادر راڄپر ۽ ٻين صحافين وڏي تعداد ۾ شرڪت ڪئي.