شاہ لطيف ٽائون سيڪٽر 31-سي ۾ گهر اندر فائرنگ، هڪ شخص قتل

ملير (رپورٽ: عبدالرشيد مورجھريو) شاهه لطيف ٽائون سيڪٽر 31-سي ۾ گهر اندر فائرنگ جي نتيجي ۾ هڪ شخص قتل ٿي ويو۔ واقعي بعد علائقي ۾ خوف ۽ هراس پکڙجي ويو جڏهن ته پوليس واقعي جي جاچ شروع ڪري ڇڏي آهي۔ ايس ايس پي ملير ڊاڪٽر عبدالخالق واقعي جو فوري نوٽيس وٺندي ايس ايڇ او شاهه لطيف کان تفصيلي رپورٽ طلب ڪري ورتي آهي۔ ايس ايس پي ملير ايس ايڇ او شاهه لطيف کي ملوث جوابدارن جي جلد کان جلد گرفتاري لاءِ حڪم پڻ جاري ڪيا آهن۔پوليس موجب ابتدائي ڄاڻ مطابق واقعو ظاهري طور ذاتي دشمني جو نتيجو لڳي رهيو آهي۔ مقتول جي سڃاڻپ نور دين ولد خيربخش طور ٿي آهي، جنهن کي نامعلوم جوابدارن فائرنگ ڪري قتل ڪيو۔واقعي بعد ڪرائم سين يونٽ واقعي واري هنڌ تي پهچي ثبوت گڏ ڪري ورتا آهن، جڏهن ته جوابدارن جي گرفتاري لاءِ پوليس ٽيمون پڻ جوڙي ڇڏيون ويون آهن۔پوليس اختيارين جو چوڻ آهي ته ملوث جوابدارن کي جلد گرفتار ڪيو ويندو، جڏهن ته واقعي بابت وڌيڪ جاچ جاري