سجاول پوليس پاران ربڏنو جت جي قتل ۾ ملوث 2 جوابدار گرفتار ڪرڻ جي دعويٰ

سياسي اڳواڻ جي قتل ۾ ملوث مظفر جت ۽ فياض جسڪاڻي کي گرفتار ڪيو آهي: پوليس

سجاول (رپورٽر)ھاء پروفائل قتل ڪيس ۾ اهم پيش رفت. سياسي ۽ سماجي شخصيت ربڏنو جت جي قتل ڪيس ۾ مرڪزي ڪردار انتھائي گھربل ۽ خطرناڪ ڏوهاري مظفر جت ۽ فياض جسڪاڻي گرفتار. ياد رهي ته هڪ هفتو اڳ ٻڊو ٽالپر جي ويجھو نامعلوم مسلح ڏوهارين فائرنگ ڪري ربڏنو جت کي قتل ڪيو هو. جنھن تي سجاول ٿاڻي ۾ ڪيس نمبر 212/2026 بجرم دفعات ppc34.303 ۽ata6/7داخل ڪيو ويو هو. واقعي کان پوء ڏوهاري گھر ڇڏي فرار ٿي ويا هئا. ان کان پوء ايس ايس پي سجاول ميڊم علينہ راجپر جي خصوصي هدايتن تي هڪ ٽيم تشڪيل ڏني وئي جنھن جديد ٽيڪنالوجي جي ذريعي مسلسل ڪاروايون جاري رکيون جنھن جي نتيجي ۾ قتل ڪيس جا مرڪزي ڪردار مظفر جت ۽ فياض جسڪاڻي کي گرفتار ڪري ورتو آهي. واضع رهي ته ان قتل ڪيس ۾ غلام قادر جت ۽ رمضان کي پھرين ئي گرفتار ڪيو ويو آهي. جڏهن ته ٻين ڏوهارين جي گرفتاري لاء مختلف علائقن ۾ ڇاپا مار ڪاروايون جاري آهن