صدر الائنس مارکیٹ اینڈ مال ایسوسی ایشن کی جانب سے ایم پی اے ڈاکٹر فوزیہ حمید کا شکریہ

کراچی(اسٹاف رپورٹر) صدر الائنس مارکیٹ اینڈ مال ایسوسی ایشن کے اہم رہنما فہیم نوری اور دیگر تاجر برادری کی جانب سے صوبائی اسمبلی کی ممبر ڈاکٹر فوزیہ حمید کا شکریہ ادا کرنے کے لیے ایک خصوصی تقریب کا اہتمام کیا گیا۔اس موقع پر صدر الائنس کے رہنما فہیم نوری نے تاجروں کے ہمراہ ڈاکٹر فوزیہ حمید کی مخلصانہ کوششوں کو زبردست الفاظ میں سراہا اور ان کا دل کی گہرائیوں سے شکریہ ادا کیا۔ انہوں نے کہا کہ لاک ڈاؤن کے باعث تاجر برادری شدید ترین مشکلات اور کاروباری بندش کا شکار تھی، جس کی وجہ سے نہ صرف کاروبار متاثر ہو رہے تھے بلکہ لاکھوں خاندانوں کا روزگار بھی داؤ پر لگا ہوا تھا。 ایسے مشکل وقت میں ڈاکٹر فوزیہ حمید نے تاجروں کی آواز اعلیٰ حکام تک پہنچائی اور ذاتی دلچسپی لے کر لاک ڈاؤن کے اس سنگین مسئلے کو ترجیحی بنیادوں پر حل کروایا۔