جماعت اسلامي مغوين جي بازيابي توڙي ڏوھن جي خاتمي لاءِ آپريشن جي گهر ڪري ڇڏي
ڪورٽ سڳوري درست ريمارڪس ڏنا هئا ته صرف 10وڏن ڀوتارن کي گرفتار ڪيو ڌاڙيل پاڻ پيش ٿيندا: حافظ نصر الله چنا
ڪراچي/ڪشمور (رپورٽر) جماعت اسلامي سنڌ ڪراچيءَ کان وٺي ڪشمور تائين سنڌ ۾ امن جي بحاليءَ، سمورن مغوين جي بازيابي ۽ ڌاڙيل راڄ جي خاتمي سميت ڏوھارين توڙي مقامي سرپرستن خلاف بي رحم آپريشن جي گھر ڪندي چيو آھي تہ ڪرپٽ حڪومت توڙي ظالم ڀوتارن کا ڪنھن خير جي اميد فضول آھي جن ڀوتارن پورا پنج سال اسمبلي ۾ عوام جي ڏکن ڏولاون تي ڪونہ ڳالھايو ھاڻي وري ڪھڙا تير ھڻندا. عوام کي متحرڪ ۽ متحد ٿي ظلم خلاف آواز بلند ۽ حق حاصل ڪرڻا پوندا. ڪشمور ڪنڌڪوٽ، ڪراچي ۾ ان سلسلي ۾ ڌرڻا عوامي سڄاڳي جو ثبوت آھي .جماعت اسلامي سنڌ جي نائب امير حافظ نصرالله چنا جو ديرا موڙ ڪشمور ۾ بدامني ۽ مغوين جي بازيابي لاءِ لڳل ڌرڻي کي خطاب ڪندي وڌيڪ چوڻ ھو تہ ڪورٽ سڳوري درست ريمارڪس ڏنا آهن تہ صرف ڏھن وڏن ڀوتارن کي گرفتار ڪريو تہ سمورا ڌاڙيل پنھنجو پاڻ پوليس وٽ پيش ٿيندا ڇوتہ اھي ظالم ڀوتار نٿا گھرن تہ ھتي امن امان ۽ عوام ڪو سک جو ساھ کڻي. مغوين جي بازيابي تہ ان شاءالله يقيني آھي پر عوامي بيداري بنگلن ۽ ٿڌن ڪمرن ۾ ويھڻ وارن کي بہ ٻاھر نڪرڻ ۽ آٿت ڏيڻ تي مجبور ڪري ڇڏيو آھي .بقول عوامي شاعر عبدالڪريم گدائي تہ: خبردار هاري! جو ڀوتار آيا! پراڻا شڪاري کڻي ڄار آيا اچڻا نہ ھا پر لاچار آيا.پراڻا شڪاري کڻي ڄار آيا#
0 تبصرے