بلاول کی کسی صورت مدد نہیں کریں گے، عمران خان

راولپنڈی (ویب ڈیسک) پی ٹی آئی کے بانی عمران خان نے کہا ہے کہ ہم بلاول بھٹو زرداری کی کسی صورت مدد نہیں کریں گے۔ کمرہ عدالت میں کیس کی سماعت کے بعد صحافیوں سے غیر رسمی گفتگو میں عمران خان نے کہا کہ پہلے دن سے کہہ رہا ہوں کہ صاف اور شفاف انتخابات ہونے چاہئیں۔ انہوں نے کہا کہ ہم پر 9 مئی کو الزام لگایا گیا لیکن ہم نے کوئی قانون نہیں توڑا، جب مجھے گولی ماری گئی تب بھی کوئی احتجاج نہیں ہوا۔ انہوں نے کہا کہ ہم بلاول بھٹو زرداری کی کسی صورت مدد نہیں کریں گے، انہوں نے ان سے مدد مانگی جن کے ساتھ مل کر حکومت کی۔