ڪڙيو گهنور ۽ ڀرپاسي منشيات جي وڪري خلاف احتجاجي مظاهرو

قومي عوامي تحريڪ ۽ سجاڳ ٻار تحريڪ پاران منشيات جي وڪري خلاف احتجاج ڪيو ويو

ڪڙيو گھنور(رپورٽر) منشيات جي وڪري خلاف سجاڳ ٻار تحريڪ ۽ قومي عوامي تحريڪ پاران ڪڙيو گھنور شهر ۾ سجاڳ ٻار تحريڪ ضلع بدين جي اڳواڻ اشوڪ ڪمار سڪندر مھيشوري عالم چرياڻي ساحر مھيشوري ۽ قومي عوامي تحريڪ جي اڳواڻ گيانچند مھيشوري ۽ ٻين جي اڳواڻي م شھيد فاضل راهو چوڪ کان احتجاجي ريلي ڪڍي پريس ڪلب اڳيان ڌرڻو ھنيو ويو ان موقعي تي اڳواڻن خطاب ڪندي چيو تہ ڪڙيو گھنور سميت سڄي ضلع بدين ۾ آئيس آفيم چرس ٺري سميت ھر منشيات جا اڏا سرعام ھلندڙ آھن جنھن سبب نوجوان نسل تباھ ٿي رھيو آھي اسان کي منشيات نہ کپي، تعليم کپي، اسڪول ۽ ڪاليج کپن. ھنن اڳوڻن چيو تہ ڪڙيو گنھور سميت بدين ضلعي سميت سڄي سنڌ کي منشيات جو ڳڙھ بڻجي ويو آھي. حڪومت سان واسطو رکندڙ ماڻھو منشيات فروش بنيل آھن. پوليس لاءِ منشيات منافعي بخش ڪاروبار بنجي ويو آھي، انڪري ھٿ وٺي منشيات جو خاتمو نٿو ڪيو وڃي. اڳوڻن چيو تہ ڪڙيو گنھور منشيات فروشن جي ور چڙھيل آھي. ڪرپٽ پوليس سسٽم منشيات جي خاتمي بدران ان انسان دشمن ڪاروبار کي ڪمائي جو ذريعو بڻائي ڇڏيو آھي. ھنن اڳواڻن مطالبو ڪيو تہ ڪڙيو گھنور سميت ضلع بدين مان منشيات جو مڪمل خاتمو آندو وڃي ھنن چيو ته اسان ضلع بدين جي ھر شھر ۾ سجاڳ ٻار تحريڪ پاران احتجاجي مھم جاري رکنداسين انھي موقعي تي منشيات خلاف سخت نعري بازي ڪئي ويئي.