ڪنب: سينيئر صحافي لياقت راڄپر خلاف پوليس اھلڪار پاران ڪردار ڪشي ڪرڻ ۽ صحافي خليل پنھيار مٿان تشدد خلاف صحافين جو احتجاج

views | 22nd Jul 2025 • سنڌي خبرون

ڪنب: سينيئر صحافي لياقت راڄپر خلاف پوليس اھلڪار پاران ڪردار ڪشي ڪرڻ ۽ صحافي خليل پنھيار مٿان تشدد خلاف صحافين جو احتجاج

ڪنب:سينيئر صحافي لياقت راڄپر جي خلاف پوليس اھلڪار پاران ڪردار ڪشي ڪرڻ ۽ صحافي خليل پنھيار مٿان تشدد ٿيڻ خلاف صحافين جو احتجاج نوٽيس وٺڻ جو مطالبو رپورٽ موجب سيبئير صحافي لياقت راڄپر خلاف ڪنب ٿاڻي جي پوليس چونڪي جي انچارج سبحان خاصخيلي پاران غلط زبان استعمال ڪرڻ ۽ سوشل ميڊيا تي ڪردار ڪشي ڪرڻ خلاف ۽ بوزدار وڏا جي صحافي خليل پنھيار مٿان بااثر پاران حملو ڪري زخمي ڪرڻ خلاف صحافين پاران پريس ڪلب ڪنب کان سانول ڳاھو مريد راڄپر مشتاق شيخ نويد تمراڻي غلام الله سيال شهزادو گوپانگ غلام رضا چاڪراڻي بادشاھ گوپانگ سڪندر علي راڄپر عرفان مختيار ڳاهو عبدالرزاق شر بخش علي شنباڻي رجب ملاح ساجد راڄپر پرويز ملاح ۽ ٻين جي اڳواڻي ۾ پريس ڪلب کان شھر جي مک شاھي بازار تائين ريلي ڪڍي احتجاج ڪيو ويو ان موقعي تي احتجاج ڪندي صحافي اڳواڻن چيو ته ڪنب ٿاڻي جي پوليس چونڪي مومن مھر جي انچارج سبحان خاصخيلي طرفان صحافي لياقت راڄپر خلاف غلط زبان استعمال ڪندي گارگند ڪئي ويئي آهي ۽ سوشل ميڊيا تي ڪردار ڪشي ڪئي آهي جنھن جي سڀ صحافي مذمت ڪيون ٿا ھنن چيو ته خيرپور ضلعو صحافين لاء نوگو ايريا بنيل آهي صحافين تي حملا ڪرڻ ۽ ھراسان ڪرڻ جو سلسلو جاري آهي ھنن چيو ته 2 ڏينهن اڳ بوزدار وڏا جي صحافي خليل پنھيار مٿان ھڪ بااثر جوابدار حملو ڪيو جنهن کي ڪنب پوليس ھن وقت تائين گرفتار نآھي ڪري سگهي ھنن چيو ته صحافين خلاف ٿيندڙ ناجائزين کي برداشت نه ڪيو ويندو ھنن آء جي سنڌ ڊي آء جي سکر ۽ ايس ايس پي خيرپور کان مطالبو ڪيو ته نوٽيس وٺي پوليس اھلڪار سبحان خاصخيلي کي ھٽائي سندس خلاف ڪاروائي ڪئي وڃي ۽ صحافي خليل پنھيار مٿان حملي جي جوابدار کي گرفتار ڪري صحافين مان بيچيني ختم ڪئي وڃي ـ