اروڙ يونيورسٽي آف آرٽ، آرڪيٽيڪچر، ڊيزائن ۽ هيريٽيج، سکر پاران ٻيون بين الاقوامي سمپوزيم منعقد

سکر (رپورٽر) اروڙ يونيورسٽي آف آرٽ، آرڪيٽيڪچر، ڊيزائن ۽ هيريٽيج، سکر فخر سان ٻيون بين الاقوامي سمپوزيم بعنوان "موسمي تبديليءَ جا سخت چئلينجز ۽ حياتياتي تنوع، زندگيءَ جي معيار ۽ ماحول جي پائيداري" ڪاميابيءَ سان منعقد ڪئي. هن علمي تقريب ۾ قومي ۽ بين الاقوامي ماهرن، ماحولياتي سائنسدانن ۽ فڪر وارن اڳواڻن موسمي تبديلي ۽ پائيداري بابت اهم مسئلن تي خيالن جي ڏي وٺ ڪئي. افتتاحي تقريب جا معزز مهمان محمد عباس بلوچ، سيڪريٽري يونيورسٽيز اينڊ بورڊز ڊپارٽمينٽ، حڪومت سنڌ هئا، جن تقريب جي شاندار شروعات ڪئي. پروفيسر ڊاڪٽر زاهد حسين کنڊ، وائس چانسلر اروڙ يونيورسٽي، معزز مهمانن ۽ اسپيڪرن کي ڀليڪار ڪندي يونيورسٽيءَ جي ويزن، مشن ۽ حڪمت عمليءَ بابت پرزنٽيشن پيش ڪئي. سمپوزيم ۾ مشهور بين الاقوامي ماهرن ڊاڪٽر اسٽيـون بانٽا (آمريڪا) پروفيسر ڊاڪٽر زيليها سلام اوغلو (ترڪي) ڊاڪٽر ايچي آڪسوئي (اٽلي) پروفيسر ڊاڪٽر ڊينگژن لي (چين) ڊاڪٽر اقبال حسين جعفري، JFK (آمريڪا) عالمي ماحولياتي مسئلن ۽ پائيداريءَ تي روشني وڌي. ٻين معزز مهمانن ۾ پروفيسر ڊاڪٽر محمد يوسف خشڪ، وائس چانسلر، ايس اي ايل يو، خيرپور، پروفيسر ڊاڪٽر آصف احمد شيخ، وائس چانسلر، سکر آءِ بي اي يونيورسٽي، جناب يوسف بشير قريشي، CEO، YBQ اسٽوڊيو، انجنيئر پروفيسر ڊاڪٽر الطاف علي سيال، وائس چانسلر، سنڌ زرعي يونيورسٽي، ٽنڊوڄام، پروفيسر ڊاڪٽر محمود الحسن، قائم مقام وائس چانسلر، SAU، شڪارپور، ڊاڪٽر ايم بي راجا ڌريجو، ڊي سي، سکر، پروفيسر ڊاڪٽر شازيه انجم، وائس چانسلر، گورنمينٽ صادق ڪاليج وومين يونيورسٽي، بهاولپور، پروفيسر ڊاڪٽر سيد مير محمد شاه، PVC، سکر آءِ بي اي يونيورسٽي شامل هئا جن موسمي تبديليءَ جي اهم سببن تي روشني وجهي ۽ پائيدار ماحول لاءِ قيمتي تجويزون پيش ڪيون.شرڪت ڪندڙن شاگردن جي منصوبن جي نمائش جو پڻ دورو ڪيو، جتي يونيورسٽي جو نعرو "Learn, Earn and Grow" نمايان طور پيش ڪيو ويو، ۽ ماحولياتي مسئلن جا تخليقي ۽ پائيدار حل وڏي پذيرائي حاصل ڪرڻ ۾ ڪامياب ٿيا. تقريب ۾ ٻه اهم پينل ڊسڪشنز پڻ شامل هيون جن ۾ پينل هڪ موسمي تبديليءَ جا انساني صحت ۽ روزگار تي عالمي اثر، پينل 2 موسمي تبديليءَ جا حياتياتي تنوع ۽ ماحول جي پائيداريءَ تي اثر شامل هئا. نصير ميمن، موسمي تبديلي ماهر، پنهنجي خطاب ذريعي گفتگو کي وڌيڪ بهتر ۽ ڄاڻ ڀريو بڻايو. اختتامي تقريب جا معزز مهمان فياض حسين عباسي، ڪمشنر سکر، ۽ پروفيسر ڊاڪٽر سيد مير محمد شاه، PVC، سکر آءِ بي اي يونيورسٽي هئا، جن اروڙ يونيورسٽي جي قيادت کي اروڙ ۽ روهڙي جهڙي تاريخي ماڳ تي عالمي معيار جي علمي تقريب منعقد ڪرڻ تي ڀيٽا ڏني. آخر ۾، پروفيسر ڊاڪٽر زاهد حسين کنڊ، وائس چانسلر، ملڪي و بين الاقوامي مقررن، سندھ هائير ايجوڪيشن ڪميشن، سکر بيوريجز پرائيويٽ لميٽيڊ ۽ سڄي تنظيمِي ٽيم جي خدمتن تي دل جي گهراين سان ٿورا مڃيا.