پنجاب واسڻ ناري پڊعيدن واسي نوجوان سان پرڻو ڪري ڇڏيو

علينا شاهين ۽ امجد سيال نوشهروفيروز جي عدالت ۾ پرڻو ڪيو

نوشهروفيروز (ڊر)نوشهرو فيروز جي عدالت ۾ پنجاپ جي ڳوٺ چڪ نمبر 17 ملڪ وال ضلع منڊي بهاو الدين جي رهواسڻ علينه شاهين ، پڊعيدن جي ڳوٺ سيال پور ضلع نوشهرو فيروز جي رهواسي امجد علي سان پيار پرڻو ڪري ورتو. امجد علي سيال ۽ مسمات علينه شاهين نوشهرو فيروز جي جسٽس آف پيس جي عدالت ۾ شادي ڪرڻ بعد ميڊيا سان ڳالهائيندي چيو ته اسان پنهنجي رضا خوشي سان شريعت محمدي مطابق پيار جو پرڻو ڪيو آھي ان ڪري اسان جا مائٽ غلام ياسين، ادريس خان، اسمائيل خان، سهيل خان، زبير، سرور خان ۽ ٻيا جان جا دشمن بڻجي ويا آھن. ناري مسمات علينه شاهين وڌيڪ ٻڌايو ته مان ڪراچي ۾ رهندي هيس اتي منهنجي امجد علي سيال سان ملاقات ٿي اسان هڪ ٻئي کي پسند ڪيو مون 4 سالن تائين مائٽن کي راضي ڪرڻ جي ڪوشش ڪئي پر اهي راضي نه ٿيا هنن منهنجي زبردستي شادي ڪنهن ٻئي ماڻهون سان ڪرائڻ پئي چاهي جيڪا ڳالهه مونکي پسند ڪا نه هئي مان ٽن ڪپڙن ۾ گهران نڪري مان پنهنجي رضا خوشي سان شادي ڪئي آھي هاڻي منهنجا مائٽ ڪيس داخل ڪرائڻ سميت ڌمڪيون ڏئي رهيا آھن جنهن سبب اسان دربدري واري زندگي گذاري رهيا آهيون مان وس وارن کي اپيل ٿي ڪيان ته ڪوڙا ڪيس ختم ڪري اسان کي تحفظ فراهم ڪيو وڃي جيئن سڪون جي زندگي گذاري سگهون.