ملير: ابراهيم حيدري پوليس ھٿان منشيات جي الزام ھيٺ عورت گرفتار

ملير (رپورٽ: عبدالرشيد مورجھريو) ايس ايچ او ٿاڻي ابراهيم حيدري غوث بخش اعواڻ جي اڳواڻي ۾ پوليس منشيات فروشن خلاف ڪامياب ڪارروائي ڪندي هڪ آءِ آر لسٽڊ جوابدار عورت کي گرفتار ڪري ورتو. اها ڪارروائي ريڙهي روڊ تي شجره پيٽرول پمپ ڀرسان اندرون روڊ ڪارنر وٽ ڪئي وئي، پوليس موجب گرفتار جوابدار عورت جي سڃاڻپ نسرين ڌيءَ خميسو طور ٿي، جنهن جي قبضي مان 70 گرام آئس ۽ 510 گرام چرس هٿ ڪئي وئي. هٿ آيل منشيات قبضي ۾ وٺي جوابدار عورت خلاف قانوني ڪارروائي شروع ڪئي وئي، پوليس جوابدار عورت خلاف ايف آءِ آر نمبر 576/2026 تحت سيڪشن 9(2)-3 نارڪوٽڪس ايڪٽ موجب ڪيس داخل ڪيو، جڏهن ته وڌيڪ منشيات هٿ اچڻ تي ايف آءِ آر نمبر 577/2026 تحت سيڪشن 9(1)-3B نارڪوٽڪس ايڪٽ موجب هڪ ٻيو ڪيس پڻ داخل ڪيو ويو آهي، ايس ايچ او غوث بخش اعواڻ چيو ته نوجوان نسل کي منشيات جي لعنت کان بچائڻ ۽ ڏوهاري عنصرن خلاف بنا ڪنهن فرق جي ڪارروائيون جاري رهنديون. هن وڌيڪ چيو ته شهرين جي جان ۽ مال جي تحفظ ۽ علائقي ۾ امن امان قائم رکڻ لاءِ پوليس هر ممڪن قدم کڻي رهي آهي